O’zbekiston respublikasi ichki ishlar vazirligi akademiya

BBK 81.2 Англ.я 77 
  
 
 
Mas’ul muharrir:                          filologiya fanlari doktori,  
professor   
J. B. Bo‘ronov 
 
 
Taqrizchilar:                                 filologiya fanlari nomzodi,  
dotsent 
T. T. Ikromov;
 
 
filologiya fanlari nomzodi, 
dotsent  D
. T. Zaynutdinova 
 
 
 
 
© O‘zbekiston Respublikasi IIV Akademiyasi, 2010 y.
 
 

---

 
- 3 - 
 
 
 
 
 
SO‘Z BOSHI 
 
Ushbu darslik O‘zbekiston Respublikasi IIV Akademiyasida ingliz tilini 
o‘rganayotgan tinglovchilar va amaliyot xodimlari uchun mo‘ljallangan. 
Darslikni yaratishdan asosiy maqsad undan o‘quv mashg‘ulotlari jarayonida 
tinglovchi va kursanlarning ingliz tili bo‘yicha ta’limning avvalgi bosqichlarida 
egallagan tayanch bilim va ko‘nikmalarini mustahkamlash va kasbga 
yo‘naltirgan holda rivojlantirish yo‘lida amalda foydalanishdir. U 
tinglovchilarni ingliz tili fonetikasi, orfografiyasi, grammatikasi va leksikasi 
asoslari bilan tanishtirish, inglizcha nutq tovushlari va so‘zlarni to‘g‘ri talaffuz 
qilish, urg‘u va intonatsiyani to‘g‘ri qo‘llash ko‘nikmalarini shakllantirish, so‘z 
boyligini doimo oshirib borish, inglizcha yozma manbalarni ovoz chiqarib va 
ichda o‘qib tushunish ko‘nikmalarini takomillashtirish, og‘zaki erkin muloqat 
ko‘nikmalarini shakllantirish va rivojlantirish, bo‘lajak kasblariga aloqador 
original matnlar mazmunini o‘qib tushunish va ulardan kerakli ma’lumotlarni 
ajratib olish kabi malakalarni egallashlariga yaqindan yordam beradi. 
Darslikdan o‘rin olgan grammatik material avvalgi bosqichlarda o‘tilgan 
mavzularni takrorlash va ularni qo‘llash ko‘nikmalarini rivojlantirishni nazarda 
tutadi. Leksik materialning asosiy qismi kundalik turmushda keng qo‘llanuvchi 
grammatik qoliplar, so‘z va iboralar, huquqshunoslikka oid ommalashgan 
atamalar va kasb-hunar leksikasini aks ettirgan. O‘quv qo‘lanmada berilgan 
matn va topshriqlar tinglovchilarni inglizcha og‘zaki nutqning turli 
ko‘rinishlariga o‘rgatish maqsadidan kelib chiqib tanlab olingan. Matnlar, 
dialoglar, og‘zaki va yozma mashqlar hamda boshqa ijodiy ishlar uchun 
berilgan topshiriqlarning mazmuni maishiy, ijtimoiy va siyosiy sohalarni 
qamrab olgan. 
Ingliz tilini o‘rganishda tinglovchilar oldiga  ingliz tilining fonetik va 
grammatik xususiyatlarini, og‘zaki va rasmiy til uslublari xususiyatlarini, 
tarjima nazariyasiga oid zarur ma’lumotlarni, mutaxassislik tilining atamalar 
qatlamini va kasb-hunar leksikasini, lug‘atlardan to‘g‘ri foydalanishni, 
inglizcha matnni eshitib tushunishni, sohaga oid inglizcha manbalarni o‘qish va 
ulardagi  ma’lumotlarni tahlil qilishni, o‘z xizmat faoliyatida inglizcha 
manbalardagi ma’lumotlardan foydalanishni, ingliz tilidan ona tiliga va ona 

---

 
- 4 - 
tilidan ingliz tiliga tarjima qilishni o‘rganish vazifalari qo‘yiladi. 
Mashg‘ulotlarda ingliz tilining fonetikasi, grammatikasi va leksikasiga 
oid mavzularni darslikda berilgan izchillikda tushuntirib borish va o‘quv 
mavzularini mustahkamlash uchun berilgan mashq va topshiriqlarni to‘liq 
bajarish tavsiya etiladi. Har bir mashg‘ulotda nutq faoliyatining barcha turlari, 
ya’ni o‘qish, yozish, gapirish va eshitishga o‘rin berilishi maqsadga muvofiq.  
Barcha mavzular bo‘yicha qo‘shimcha adabiyotlar ushbu darslik va 
«Ingliz tili» fani bo‘yicha o‘quv dasturida tavsiya etilgan. Tilni yanada 
chuqurroq o‘rganish uchun mo‘ljallangan boshqa adabiyotlardan ham 
foydalanish tavsiya etiladi. 
Darslik mazkur ixtisoslik bo‘yicha o‘zbek tilida ilk marotaba 
tayorlanlganligi bois unda muayyan kamchiliklar uchrashi tabiiy. Shu bois 
muallif ushbu o‘quv qo‘llanma yuzasidan bildirilgan tanqidiy fikr-mulohazalar 
va takliflarni mamnuniyat bilan qabul qiladi va kelgusi ishlarida ulardan 
foydalanadi. 
   

---

 
- 5 -