O‘zbekiston respublikasi хalq ta’limi vazirligi respublika ta’lim markazi

Osoyishta hayot qadri 

---

 
 
6 
Erta tongda uyqudan uyg„onasiz. Ko„zingizni ochib, sog„-salomat turganingiz 
uchun ich-ichingizdan shukrona aytasiz. Nonushtaga o„tirasiz. Nonushtada 
dasturxonga yoshi ulug„ odam qo„l cho„zib, boshqalarni taklif qiladi. 
Tonggi nasibadan so„ng kiyinib, hamma qatori o„qishga, ishga otlanasiz. 
Yo„llarda mashinalar g„izillab o„tib turibdi. Qo„ni-qo„shnilar, tanishlar uchraganda 
o„zaro omonlik tilaysiz. Hamma joyda hayot taftini his qilasiz. Quruvchilar yangi 
inshootni bunyod etish bilan band, sotuvchilar do„koni mollarini peshtaxtaga qo„yib 
sizga muntazir. 
Har kuni shu manzaraga guvoh bo„lamiz. Har qanday g„ayritabiiylikdan xoli, 
oddiy, kundalik turmushimiz bu. Lekin shunday osoyishta, farog„atli hayotga 
qanday erishayotganimiz haqida o„ylab ko„rganmizmi?! Dunyoning hamma joyida 
ham shunday ahvol hukmronmi? Bir tomoni tabiiy ofat, bir tomoni terrorizm 
balosidan ini buzilgan qushday bezovta xalqlar ko„z yoshi, tanasidan oqqan qonlari 
ko„z o„ngimizda ko„rinib turibdi. 
Hadisi shariflarda “Nafasing kirganda bir shukr qil, chiqqanda bir shukr qil”, 
degan hikmat bor. Biz o„zimizdagi bebaho hayot uchun shukur qilamiz. 
(Sh. Jabborov. 141 so„z) 
Orzular oshiyoni 
Mustaqillik maydonida yangidan qad rostlagan betakror inshootlardan yana 
biri, bu ezgulik arkasidir. Arka azaldan “Kirish joyi, tabarruk ostona”, degan 
ma‟nolarni anglatadi. Darhaqiqat, mamlakatimizning bosh maydoni xalqimizning, 
mamlakatimizning asrlar davomida ko„nglida bo„lgan ulkan orzu-niyatlari 
ushalganligining ifodasidir. 
O„zini O„zbekiston fuqarosiman, deb hisoblagan har bir inson o„z hayoti 
mobaynida, loaqal bir marta ezgulik arkasiga kelishi, shu yerning havosidan to„yib 
nafas olishi, shunday baxtga musharraf bo„lganidan ko„nglida g„urur sezishi kerak. 
Shunday tuyg„uni his etgan ota-ona bu haqda farzandlariga o„qitishi lozim. 
Bu maskanga qadam qo„ygan har qanday inson qalbida faqat ezgu tuyg„ular 
barg yozadi. Biz yurtimizga tashrif buyurgan mehmonlarga ezgulik arkasini 
bajonidil ko„rsatishga hamisha tayyormiz. 
Ezgulik arkasining muhim jihati shuki, u ham bo„lsa, mazkur maydonning 
xalqimiz hayotida tutgan ma‟naviy ahamiyatidir. Ayniqsa, yangi oila qurayotgan 
yoshlar uchun bu maskan hayot yo„lini boshlab beruvchi yorug„lik timsoli bo„lib 
qoladi. 
“Ezgulik arkasi” farzandlarimiz uchun chinakam orzular oshiyoni bo„lib 
qolsin. 
(Sh. Jabborov. 142 so„z)