O’zbekiston respublikasi davlat soliq qo’mitasi

17-Mavzu: Tadbirkorlik faoliyati va kichik biznes.

(2 soat ma’ruza)

Reja:

1. 
   Tadbirkorlik faoliyatining mazmuni.
   
2. 
   Kichik biznes va xususiy tadbirkorlik.
   
3. 
   Tadbirkorlik faoliyatining asosiy sohalari.
   
4. 
   Tadbirkorlik sub’ektlari va huquqiy bazasi.
   

Tayanch so’z va iboralar:

Tadbirkorlik faoliyati, kichik biznes, o’rta biznes, tavakkalchilik, foyda olish, ustuvor yo’nalish, Yalpi ichki mahsulot, savdo-soitq, ishlab chiqarish, daromad, moliya, soliq to’lovlari, tadbirkorlik faoliyatiga oid qonunlar.
Tadbirkorlik faoliyati - mulkchilik shaklidan qat’iy nazar sub’ektlarining foyda olish maqsadida tavakkal qilib tashabbus bilan iqtisodiy faoliyat ko’rsatishdir.

Biznes bozor iqtisodiyoti bilan birga kirib kelgan so’z bo’lib, u g’arb olimlari tomonidan har tomonlama o’rganildi. Biznes bilan shug’ullanish uchun tadbirkorlik faoliyatining ma’lum turlaridan birini tanlab olib shug’ullanish kerak. Eng avvalo, biznes doimiy diqat e’tibor va katta maxorat talab oshadigan muloqatdan boshlanadi. CHunki biznesmenlar bilan bog’liq, bo’lgan har qanday muammo dastlab muloqot orqali hal etiladi.

Biznes xalol daromad topish bilan farovon yashashni maqsad qilib qo’ygan kishining har qanday iqtisodiy faoliyati bo’lib, bozor iqisodiyotiga o’tish davrida u hammaga juda qo’l keladi. Bunday kishilar biznesmenlar o’z imkoniyatini ishga solib, xattoki, u xatarli bo’lsa ham tavakkalchilik qilib, naflanish, manfaat qurish uchun harakat qiladi.

2007 yil 12 fevralda O’zbekiston Respublikasi Vazirlar Mahkamasining 2006 yilda ijtimoiy-iqtisodiy rivojlantirish yakunlari hamda 2007 yilda iqtisodiy islohotlarni chuqurlashtirishning eng muhim ustuvor yo’nalishlariga bag’ishlangan majlisida Prezident I.A.Karimov quyidagilarni garirdi:

Iqtisodiy islohotlarni amalga oshirishda bizning asosiy ustuvor yo’nalishimiz bundan buyon ham biznes, jumladan, xususiy biznes uchun zarur bo’lgan barcha qulay sharoitlarni yaratishdan, davlatning iqtisodiyot-dagi ishtirokini izchil kamaytirishdan iborat bo’lib qolaveradi: