O‘zbekiston respublikasi davlat soliq qo‘mitasi farg‘ona soliq kolleji “tasdiqlayman”

28-mavzu: Giyohvandlik, chekish va ichkilikbozlikning zarari va uning naslga ta’siri


Reja:
1. Giyohvandlik ning boshlanishi, shakllanishi, unga ruhan va jismonan bog‘lanish.
2. Giyohvandlikning iqtisodiy va psixologik tahlili, odam nasliga ta’siri, zararli oqibatlari.
3. Giyohvand moddalarning turlari.
4. Chekish va ichkilikning zarari.

Giyohvandlik tibbiyotda narkomaniya deb atalib, narkomaniya yunoncha so‘z bo‘lib, “narke”-karaxtlik, “maniya”–telbalik, shodlik degan ma’noni bildiradi.

Narkomaiya- bu surunkali zaharlanish holati bo‘lib tabiiy yoki sun’iy narkotik moddalani qabul qilih natijasida yuzaga keladi. Bu kasallik bilan og‘rigan kishining jismoniy va ruhiy holati xumorini bosadigan tegishli narkotik modda iste’mol qilishiga bog‘liq.Narkotik moddalarga o‘rganish 2 xil: ongsiz va ongli yuz berishi mumkin.
Birinchi holat kishi e’tiborsizligi tufayli vrach buyurgan narkotik moddalarni noto‘g‘ri qabul qilishi natijasida paydo bo‘ladi.Ikkinchi holat ongli ravishda, kayf qilish maqsadida narkotik moddalarga o‘rganishdir. Bangilikka o‘zini tiya bilmagan, ruhan zaif, irodasiz, birovlarga taqlid qiladigan, xumorni tarqatishdan boshqani o‘ylamaydigan xudbin kishilar beriladilar. Mubtalo bo‘lganlar narkotik moddalarni qayta-qayta va ko‘p miqdorda iste’mol qilgisi kelaveradi. Bunday ahvoldan qutilish va o‘zini biroz yengil his qilish uchun yana narkotik qabul qilishadi.
Shu tariqa bangilik yuzaga keladi. Giyohvandlikning turlari avvalo shu moddalar va ularni suiste’mol qilishdan kelib chiqadigan kasalliklar bilan bog‘liq. Lekin ular uchun umumiy alomatlar bor.