O‘zbekiston respublikasi davlat soliq qo‘mitasi farg‘ona soliq kolleji “tasdiqlayman”

III. Kun rejimini bioritmik qonuniyatlar asosida tuzish.
Tabiatda davriylik, batartiblik mavjud bo‘lib, u bioritm deb ataladi. Ichki a’zolar, asab tizimining faolligi kunduz kunlari yuqori bo‘lib, tunda susaygan bo‘ladi. Bu o‘zgarishlarni ichki a’zolardagina emas, balki moddalar almashinuvida ham kuzatishimiz mumkin. Shuningdek badanimizdagi faollik va sustlikning o‘zgarishlari hafta, oy, yil davomida ham sodir bo‘ladi va bu hodisani bioritmik hodisalar deb yuritiladi. Million yillar davomida inson quyosh bilan turib, quyosh bilan yotgan, shuning uchun uning badanida kunduzi faollik, tunda sustlik ritmi shakllangan.
Oqilona kun tartibi sog‘lom turmush tarzining asosini tashkil qiluvchi ko‘rsatkichlardan biridir. Kun tartibiga muttasil rioya qilish asab tizimi va butun organizmning to‘liq rivojlannishini ta’minlaydi, uning turli kasalliklarga qarshiligini kuchaytiradi, energiya hosil qiladi. Kun tartibiga rioya qilmaslik tanada energiya taqchilligini yuzaga keltirishi mumkin. Uzun tunlar televizor ko‘rish, bemaqsad ko‘cha kezish, tunda ichkilikbozlik qilish kabilar turli kasalliuklarga, eng avvalo asab va ruhiy kasalliklarga olib keladi. Shuning uchun turmush tarzimizni tabiatdagi ritmik o‘zgarishlarga moslab tashkil etishimiz lozim.