O‘zbekiston respublikasi axborot texnologiyalari va kommunikatsiyalarni rivojlantirish vazirligi

Amaliy mashg‘ulotlar uchun vazifalar :

1. Peshlavhalardagi e’lonlardan namunalar tuzing va yozing. Undagi imloviy kamchiliklarni toping.

2. Hujjatchilik tarixi haqida slaydli taqdimot tayyorlab ko‘rsating.

Mavzu yuzasidan savol va topshiriqlar :

1. 
   Hujjat tushunchasini izohlab bering.
   
2. 
   Hujjatchilik tarixi haqida gapirib bering.
   
3. 
   Rasmiy-idoraviy uslubda hujjatlarning o‘rni va ahamiyati haqida nimalarni bilasiz?
   
4. 
   Hujjatlardan foydalanishda nimalarga ahamiyat berishimiz kerak?
   

4 MAVZU: IDORAVIY YOZMA NUTQ SHAKLLARI

Reja:

1. Hujjatlarga qo‘yiladigan talablar.

2. Bosma ish qog‘ozlari .

3. Tijorat yozishmalari.

4. Ish yuritish tili va uslubi.
Hujjatlarga qo‘yiladigan talablar:

1.Hujjatlarni tuzish, ularni tayyorlashga oddiy, yengil qarash mumkin emas, chunki u huquqiy jihatdan kuchga ega bo‘lgani uchun jiddiy munosabatda bo‘lishni taqozo qiladi.

Hujjatlarni tuzishda, avvalo zaruriy (tarkibiy) qismlar, ya’ni rekvizitlarga e’tibor berish, unga rioya qilish shart. Qismlarning majmuasi qoidalar (formulalar) deyiladi. Hujjatlar turli-tuman bo’lgani uchun ham zaruriy (rekvizit) qismlarida farqli jihatlar mavjud. Qismlar tartibli ravishda ketma-ket o’rin oladi. Bu ketma-ketlik qat’iylik xarakteriga ega. Formular - qoidalar talabi xuddi shu ketma-ketlikka rioya qilishdan iborat. Ayrim hujjatlarning zaruriy qismlari qonun chiqaruvchi tashkilotlar tomonidan meyoriy hujjatlarda qayd qilingan, belgilab berilgan bo‘ladi. Masalan: pasport, shaxsiy varaqa (so’rovnoma, rezyume) va h.k. Hujjatlarda u yoki bu qismning aks etmasligi uning huquqiy kuchini yo‘qotishga olib keladi.

Zaruriy qismlar to‘g‘ri, aniq ifodalangan bo‘lishi hujjatlarga qo‘yiladigan talablarning asosini tashkil qiladi.

Hujjatlarni tayyorlashda qog‘ozlarning shakli, o‘lchami ham ahamiyatga ega. Ish qog‘ozlarining chap tomonida 20mm, yuqorida kamida 10mm, o‘ng va past tomonida 8-10mm bo‘sh joylar bo‘lishi kerak.

Bosma ish qog‘ozlari 2 ta turga bo‘linadi.