O’zbekiston respublikasi axborot texnologiyalari va kommunikasiyalarini rivojlantirish vazirligi

9-bob bo’yicha xulosalar

Matematik ta’minotning universalligi deyilganda, bu ta’minotdan bir qancha konstruksiyalash obyektlarini konstruksiyalashda foydalanish imkoniyati borligi tunushiladi. Dasturiy ta’minotda algoritmik puxta metod bo’lmagan metodlardan foydalanish maqsadga muvofiq bo’lmaydi. Konstruksiyalashning har bir bosqichida o’zining oraliq natijalari va har bir bosqichdagi xatolik kelib chiqish manbaalari mavjud. Shu sababli yomon sharoitga moslashtirish natijasida hatoliklar juda kattalashib ketishi mumkin.

Kompyuter vaqtini tejash talabidan keyingi talab, xotira hajmini tejash talabidir. Bu talab matematik ta’minotning qanchalik iqtisodlashtirilganligii ko’rsatadi va tuzilgan dastur uzunligi bilan harakterlanadi. Matematik modellarni hosil qilish metodlarini ikki guruhga ajratish mumkin. Birinchi guruh metodlariga, turli iyerarxik darajalarda elementlar matematik modellarini va tizimlar makromodellarini hosil qilish metodlari kiradi.
Dasturiy ta’minotning matematik modellarini hosil qilish prosedurasi to’la formallashtiriladigan bo’lishi mumkin, chunki ular elementning tuzilishi va ishlashi to’g’risidagi qabul qilingan u yoki bu formal bo’lmagan qarashlar va yo’l qo’yishlarga asoslangandir. Dasturiy ta’minot matematik modellarini hosil qilish usullarida ko’p o’xshashliklar mavjud, lekin ba’zi bir farqlar ham mavjuddir.
Dasturiy ta’minotni modellashtirilayotganda, dasturiy ta’minot elementlari va ular orasidagi munosabatlar tavsiflanadi. Dasturiy ta’minot konstruktsiyalarini modellashtirish masalasi dasturiy ilovalar uchun birinchi darajali hisoblanadi. Biroq bu masalani yechishning “moxiyat-aloqa” singari ishonchli metodlari mavjud.
Yagona modellashtirish tili (UML) dasturiy ta’minot tizimlarini, shuningdek, biznes modellarini va boshqa dasturiy ta’minot bo’lmagan tizimlarni belgilash, vizuallashtirish, qurish va hujjatlashtirish uchun tildir. UML - bu katta va murakkab tizimlarni modellashtirish uchun ilgari muvaffaqiyatli qo’llanilgan muhandislik texnikasining birikmasidir. UML to’rt turdagi ob’ektlarni belgilaydi: strukturaviy, xulq-atvor, guruhlash va izohlash.