O’zbekiston respublikasi axborot texnologiyalari va kommunikasiyalarini rivojlantirish vazirligi

4-bob bo’yicha xulosalar

Standartlashtirish, metrologiya va sertifikatlashtirish bo’yicha asosiy maqsad mahsulotlar va xizmatlar sifati, havfsizligi va raqobatbardoshliligini ta’minlashdir. Standartlashtirishning afzallik jihatlarini shunday ta’riflash mumkin, standartlashtirish iqtisodiyotni maksimallikka erishishiga qaratilgan. Standartlar jamiyatning turli jabhalarida bir qancha afzalliklar olib kiradi. Xo’jalik yurituvchi sub’ektlar tomonidan xalqaro, davlatlararo, milliy, mintaqaviy va davlat hamda tarmoq standartlarining keng qo’llanishi uchun Standartlashtirish tayanch tashkiloti tomonidan normativ hujjatlar fondi yaratiladi va yuritiladi.

Standartlashtirish asosiy maqsadi mahsulotlar va xizmatlar sifati, havfsizligi va raqobatbardoshliligini ta’minlashdir. Uni shunday ta’riflash mumkin, standartlashtirish iqtisodiyotni maksimallikka erishishiga qaratilgan. Standart bu mahsulot yoki xizmatlar uchun talablar, qoidalar va ko’rsatmalarni o’zaro bir-biri bilan mutanosib kelishini ta’minlovchi hujjat hisoblanadi. Standart - bu ko’pchilik manfaatdor tomonlar kelishuvi (konsensus) asosida ishlab chiqarilgan va ma’lum sohalarda eng maqbul darajali tartiblashtirishga yo’naltirilgan hamda faoliyatning har xil turlariga yoki natijalariga tegishli bo’lgan umumiy va takror qo’llaniladigan qoidalar, umumiy qonun-qoidalar, tavsiyalar, talablar va usullarini o’z ichiga olgan hamda, belgilangan va tan olingan idora tomonidan tasdiqlangan me’yoriy hujjatdir. Standartlashtirish maqsadlari ko’p qirrali bo’lib, ular asosan quyidagilardan iborat: birxillashtirish (har xillikni boshqarish), qo’llanishlilik, moslashuvchanlik, o’zaro
almashuvchanlik, sog’liqni saqlash, xavfsizlikni tahminlash, tashqi muhitni asrash, mahsulotni himoyalash, o’zaro tushunishlikka erishish, savdodagi iqtisodiy ko’rsatkichlarni yaxshilashdir.
Aloqa, axborotlashtirish va telekommunikasiya texnologiyalari sohasida o’lchash vositalarini kalibrlashning tashkiliy va texnik asoslarini joriy qilish o’lchash vositalari holatini nazorat qilishni osonlashtirishga imkon beradi. Metrologik ta’minotning tarkibiga O’zbekiston aloqa va axborotlashtirish agentligi, UNICON.UZ markazi qoshidagi Asos metrologiya xizmati, Telekommunikasiyalar va pochta aloqasi sohasidagi standartlashtirish bo’yicha Texnika qo’mitasi, Davlat aloqa inspeksiyasi, metrologik xizmatlar va xo’jalik yurituvchi sub’ektlari o’lchash vositalarining holati uchun mas’ul shaxslar kiradi.