O’zbekiston respublikasi axborot texnologiyalari va kommunikasiyalarini rivojlantirish vazirligi

13-bob bo’yicha xulosalar

Testlash - bu dasturiy ta’minotni foydalanishga qo‘yishdan oldin dastur nuqsonlarini topish va ularni to‘g‘irlashga mo‘ljallangan jarayon hisoblanadi. Testlash – bu dasturiy maxsulotning ishlash jarayonida ishlamaydigan qismini topishdir. Testlash dasturiy maxsulotning xatoliklarini tuzatishdagi asosiy usul hisoblanadi. Dasturni qayta tayyorlash dasturiy maxsulotning yetishmovchiligini to‘ldirish jarayonidir. Agar dastur anchagina testlar to‘plamidan keyin ham to‘g‘ri natijalar chiqarib bersa, bu dasturda xato yo‘q degan asos bo‘lishi kerak emas. Bu paytda dasturni to‘g‘rilik darajasida gapirish mumkin.

Verifikatsiya va validatsiya jarayonlari dasturiy ta’minotning funksional imkoniyatlarini ta’minlash va uning shartlariga mos kelishini tekshirish bilan bog‘liq. Bu tekshirish jarayonlari talablar mavjud hollarda va ular ishlab chiqarish jarayonlarining barcha bosqichlarini davom ettirish vaqtida boshlanadi. Verifikatsiyaning maqsadi dasturiy ta’minot unga qo‘yilgan funksional va nofunksional talablarga javob berishini tekshirishdir. Verifikatsiya umumiy jarayon hisoblanadi. Validatsiyaning maqsadi dasturiy ta’minot buyurtmachi kutayotgan natijalarga mosligini ta’minlashdir. Validatsiya muhim rol o‘ynaydi, sababi, ma’lumotlarni tasniflash talablari har doim ham mijozlar va foydalanuvchilar talablari va istaklarini amalga oshiravermaydi. Verifikatsiya va validatsiya jarayonining yakuniy maqsadi esa dasturiy ta’minot tizimi “maqsadga mos kelishi” ga ishonchni o‘rnatishdir.
Dasturni testlash jarayonida muhim shartlardan biri shuki, dasturlashga qancha vaqt sarf bo‘lgan bo‘lsa testlashga ham shuncha vaqt ajratish kerak.
Oq quti testi tizimning tuzilishiga asoslangan dasturiy ta'minot tizimini sinash uchun ishlatiladi. Bu ichkarida nimalar sodir bo‘layotganini ko‘rishimiz mumkin bo‘lgan shaffof qutiga o‘xshaydi. Qora quti testi, tizim qanday harakat qilishidan qat’iy nazar, faqat tizimning funktsional imkoniyatlarini sinash uchun ishlatiladi. Asosan tizim talablari qoniqtirilganiga ishonch hosil qilish uchun mo’ljallangan.
Kulrang qutini sinovdan o’tkazishning maqsadi noto’g’ri tuzilish yoki noto’g’ri foydalanish tufayli nosozliklarni aniqlashdir.