O‘zbekiston respubikasi oliy va o‘rta maxsus ta’lim vazirligi

Tog‘-sayohatlari jarayonlarida ham xuddi piyoda yurish sayohatlaridagi kabi jixozlar, oziq-ovqatlar va b.q. vositalarni jamg‘arish zarur bo‘ladi. Bunda sayohatchilardan maxsus jismoniy tayyorgarliklar talab etiladi. Baland qirlar, chakalakzor yoki toshloq soylardan o‘tish, bir necha dovonlar oshib o‘tish, ba’zan tezoqar suvlardan kechib o‘tish, arqonlardan foydalanish holatlari ham yuz berishi mumkin.
Turistik klublar: Turistik (sayohat) klublarining ham ikki yo‘nalishi, ya’ni: Shaharlararo ekskursiya (sayr-sayohat) tashkil etish va turizm turlari bo‘yicha yurishlar uyushtirishdan iborat. Birinchi yo‘nalishi asosan O‘zbekturizm kompaniyasi tasarrufida, ikkinchisi esa kasaba uyushmalari hamda xalq ta’limi tizimida mavjuddir. Ikkinchi yo‘nalishdagi turistik klublar asosan ishlab chiqarish korxonalari va turizm turlariga (piyoda, tog‘, velosiped va h.k.) qiziqqan o‘quvchi yoshlarni o‘ziga jalb etadi.
O‘zbekturizm kompaniyasiga tegishli klublar asosan tarixiy va madaiiy obidalarga boy bo‘lgan shaharlarda ko‘proq tashkil etilib, ular sayohat-tomoshalarni uyushtirish bilan bog‘liq bo‘lgan faoliyatlarni amalga oshirmoqda.
Turistik tashkilotlar: Sayohatlarning barcha turlarida o‘zlariga xos murakkabliklar mavjud. Ularni har kim ham (hatto jismoniy tarbiya yoki geografiya o‘qituvchilari) yaxshi bilavermaydi. Shu sababdan sayohatlarning har bir turi bo‘yicha tashkilotchilar (instruktor, metodistlar) maxsus seminar-o‘quv mashg‘ulotlarida tayyorlanadi. Sayohatlarning mazmuni, shakli va maqsadlariga qarab tashkilotchilarning tayyorgarlik darajalari, unvonlari bo‘ladi, ya’ni jamoatchi instruktor, kichik instruktor va katta instruktor.
Jamoatchi instruktor: Har bir jamoa yoki o‘quv yurtlarida bir kunlik sayohatlarni tashkil qiluvchilarni jamoatchi instruktor deb ataladi. Ularni maxsus seminarlarda tayyorlanadi (10-15 kun). Bunda yuqori sinflarning o‘quvchilari va talaba yoshlar ham faol qatnashishlari mumkin.