ulg’ayishga chorlaydigan, odamning ichki dunyosi, irodasini baquvvat,
iymon-e’tiqodini butun qiladigan, vijdonini uyg’otadigan beqiyos kuch,
uning barcha qarashlarining mezonidir”
2
.
O’tgan davrda ma’naviyatga bag’ishlangan ko’plab monografiyalar,
risolalar, maqolalar chop etildi. Ma’naviyat va milliy g’oyaga oid predmetlar
ta’lim tizimining barcha bo’g’inlariga kiritildi. Ma’naviyat masalasini
o’rganishga, tahlil qilishga uning inson va jamiyat hayotidagi o’rnini hamda
boshqa o’quv predmetlari bilan aloqalarini yoritishga qaratilgan turli mualliflar
tomonidan yozilgan risola va maqolalar, o’quv qo’llanmalari va darsliklarda
ba’zi bir chalkash, o’zaro bir-biriga mos kelmaydigan fikrlar ko’zga tashlanadi.
Yuqoridagilarga asoslangan holda, ushbu tadqiqot mavzusining dolzarbligi
quyidagi jihat va holatlardan kelib chiqadi:
Birinchidan, “Ma’naviyat” tushunchasining kelib chiqishi va shakllanish
tarixi hali to’liq tarzda o’rganilmagan. Turli tadqiqotchilar tomonidan taklif
qilinayotgan turlicha yondashuvlar biri ikkinchisini inkor etib, o’zaro bir-biriga
mos kelmaydigan fikrlar mavjudligi fanda ba’zi bir chalkashliklar yuzaga
chiqishiga sabab bo’lmoqda;
Ikkinchidan, yuqorida ta’kidlanganidek, mustaqillikka erishganimizdan
so’ng jamiyat ma’naviy hayotini o’rganishga keng yo’l ochib berildi va
imkoniyatlar yaratildi. Ta’limning barcha bosqichlarida ma’naviyat va milliy
g’oyani o’rganishga bag’ishlangan alohida predmetlar kiritildi. Har bir o’quv
predmeti alohida fan sifatida shakllanishi va rivojlanishi uchun vaqt va tinimsiz
izlanishlar talab etadi. Ma’naviyatshunoslik yangi, endilikda o’rganilib
2
Karimov I.A. Yuksak ma’naviyat – yengilmas kuch. T.: “Ma’naviyat” nashriyoti, 2008. 19-b.
5
kelinayotgan soha bo’lganligi bois ma’naviyatni o’rganishning metodologiyasi
to’liq va mukammal tarzda tizimlashtirilmagan;
Uchinchidan,
yuqoridagi sabablarga ko’ra, ma’naviyatshunoslik
doirasidagi fanlarning o’quv rejalari, dasturlari va darsliklarida ba’zi bir
ziddiyatlarlar ko’zga tashlanadi.
To’rtinchidan, uzlksiz ta’lim tizimida ma’naviyatga oid fanlar
(predmetlar)aro bog’liqlikda bir muncha zaiflik mavjudligi ham kuzatiladi.
O’quv dasturlari, darsliklar va qo’llanmalar doimiy ravishda takomillashtirilib,
kamchiliklari tuzatilib, predmetlararo bog’liqligi kuchaytirib borilishi kerak.
Beshinchidan, davlatimiz taraqqiyoti va kelajagi, barkamol avlodni
tarbiyalash, turli ma’naviy-mafkuraviy tahdidlardan yoshlarni himoya qilish
ma’naviy yuksalishimizga, ayniqsa kelajak avlod dunyoqarashiga, uning
ijtimoiy mo’ljallariga, qadriyat tizimiga bog’liq. Bu esa ma’naviyatni alohida
har tomonlama chuqur o’rganishni, uning yuksalish qonuniyatini yaxshi bilib
olib, amaliyotda, tarbiyaviy ishlarda qo’llashni taqozo etadi.
Do'stlaringiz bilan baham: |