O’zbekiston milliy universiteti tarix fakulteti arxivshunoslik yo’nalishi sirtqi ta’lim 1-kurs talabasi ning mutaxassislikka kirish fanidan “Arxivshunoslarning

Arxivshunoslar faoliyati.
. Arxivshunos - korxonaga tegishli arxiv ishlarini olib boradigan va arxivga topshirilgan hujjatlarning yaxshi holatda saqlanishi uchun mas’ul xodim.

Hujjatlar yig‘ma jildlari nomenklaturalarini ishlab chiqishda ishtirok etadi, ularni arxivga topshirishda to‘g‘ri shakllantirilgani va to‘g‘ri rasmiylashtirilganini tekshiradi. Amal qiluvchi qoidalarga ko‘ra, saqlash birligini shifrlaydi, papkalarni joylashtiradi, tizimlashtiradi va hisobga oladi. Ularni izlashning oson va qulay usullarini ta’minlaydi. Doimiy va vaqtinchalik saqlashga doir yig‘ma ma’lumotlarni ro‘yxatga oladi.

Hujjatlarni davlat saqloviga topshirish uchun dalolatnomalarni tayyorlaydi, saqlash muddati o‘tgan hujjatlarni ro‘yxatdan chiqaradi va yo‘qotadi. Hujjatlar holatini, o‘z vaqtida qayta tiklanishini, arxivda ularni saqlash talablariga, yong‘in xavfsizligi qoidalariga rioya qilinishini nazorat qiladi.

So‘rovlarga asosan, arxiv hujjatlari va nusxalarini beradi, arxiv ishi bo‘yicha hisobotlarni tayyorlaydi. Arxivshunos huquqiy-me’yoriy hujjatlarni, qoida, yo‘riqnomalarni, hujjatlarni arxivga topshirish va qabul qilish tartibini, ish yuritish tizimining davlat birligini, tashkilot tuzilmasini, mehnat qonunchiligi asoslarini bilishi kerak. Ish yurituvchi, muhimlik darajasiga ko‘ra, hujjatlarni, xatlarni, ish hujjatlarni saralaydi, ularni qabul qiladi va jo‘natadi. Qabul qilingan va jo‘natilgan hujjatlarni ro‘yxatga oladi. Hujjatlar bo‘yicha ma’lumotlar omborini yaratadi, tegishliligi bo‘yicha hujjatlarni tashkilot bo‘limlariga yuboradi, rahbar uchun kerakli materiallarni tayyorlaydi, hujjatlarni arxivga topshirishga tayyorlaydi, imzo uchun hujjatlarni qabul qiladi va ularning to‘g‘ri rasmiylashtirilganini tekshiradi. O‘z rahbarining alohida xizmat topshiriqlarini bajaradi.