ushbu jihatlar bilan birga, bu yo‘nalishga xos yana bir xususiyatni kuzatish va
uni nihoyatda ijobiy baholash lozim. Bu siyosiy va g‘oyaviy qarshiliklarga qaramasdan,
qadriyatshunoslik muammolariga qo‘l ura olganlikda, ularni ilmiy ishlar va tadqiqot
mavzusi sifatida tanlab olishdagi jur’atda namoyon bo‘ladi.
Qanday mafkura hukmron bo‘lishiga qaramasdan ilm, ijod va fanda fikrlar
talashi, xilma-xil qarashlarning vujudga kelish jarayoni to‘xtab qolmaydi. Biz tahlil
qilgan yo‘nalish olimlariga mansub asarlarda qadriyatshunoslikning ba’zi dolzarb
muammolari hal qilingan. Qolaversa, ana shu olim va tadqiqotchilarning asarlari,
ilmiy izlanishlari bizning faoliyatimiz uchun asosiy manbalardan biri bo‘lib xizmat
qilganligi shubhasiz. Aslini olganda biz mansub bo‘lgan avlod ham eng yaqin o‘tmishda
tarbiyalangan, o‘sha muhitda voyaga etgan, o‘sha davr qadriyatlari ta’sirida shakllangan
avloddir. O‘tmishdan ko‘z yumish, uni mensimaslik nojoiz, undan saboq olmoq va
o‘rganmoq lozim! Ana shundagina mustaqillikning qadriga etish, u bergan
imkoniyatlarni to‘g‘ri anglash mumkin.
18
www.ziyouz.com kutubxonasi
Do'stlaringiz bilan baham: |