|
birinchidan, davlat va jamiyat qurilishi borasidagi yutuqlarni mustahkamlash, bir necha ming yillik o‘zbek davlatchiligi an’analari bilan hozirgi zamon jahon davlatchiligi ilg‘or tajribalarining sintezlashgan shaklidagi taraqqiyot modelini chuqurlashtirish;
ikkinchidan, qonun ustuvorligini ta’minlash va sud-huquq tizimini isloh qilish bilan bog‘liq bo‘lgan yangilanishlarni yangi bosqichga ko‘tarish. Bunda mavjud qonunlarni qayta ko‘rib chiqish, ularni hozirgi zamonning shiddat bilan o‘zgarayotgan jarayonlariga, ijtimoiy-siyosiy yangilanishlar ehtiyojiga muvofiqlashtirish. Chunki O‘zbekiston globallashuv jarayonlariga faol kirib borayotgan ekan, umumsayyoraviy masalalarni hal qilishda katta kuch-g‘ayrat va salohiyatini namoyon qilayotgan bir paytda o‘zining buyuk kelajagini jahon sivilizatsiyasining uzviy bir bo‘lagi sifatida ko‘rayotgan ekan, ana shu jarayonlarni jamiyat bilan bog‘liq holda faollashtiradigan qonunlar tizimi zarur. Ulug‘ bobokalonimiz Abu Nasr Forobiy bundan ming yillar burun «Yaxshi qonunlar, yaxshi an’analardan kelib chiqadi» deb aytgan edi;
uchinchidan, ijtimoiy yo‘naltirilgan bozor munosabatlari sharoitida iqtisodiyotni rivojlantirish va uni liberallashtirish bilan bog‘liq bo‘lgan bugungi kundagi muammolarning echimini topish va uzoq muddatli taraqqiyotga asos solish. Bunda iqtisodiyotda davlat ishtirokini kamaytirish, mulk va mulk egasi huquqini himoya qilish, mulkchilik mavqeini har tomonlama kuchaytirish, kichik biznes va xususiy tadbirkorlikni rag‘batlantirish orqali aholi asosiy ko‘pchiligini tashkil etadigan o‘rta qatlamning jamiyatdagi rolini yanada oshirish asosiy vazifa qilib qo‘yilmoqda. Iqtisodiyotni rivojlantirishning tub mohiyatidan kelib chiqib, makroiqtisodiy barqarorlikni butun choralar bilan mustahkamlash, tarkibiy o‘zgartirishlarni chuqurlashtirish, iqtisodiyotning etakchi tarmoqlarini uzluksiz modernizatsiya qilish choralarini ko‘rish talab etilmoqda.
to‘rtinchidan, ijtimoiy sohani rivojlantirish. Inson ozod va erkin Vatanda to‘laqonli yashash, hayotning barcha ne’matlaridan foydalanish imkoniyatlariga ega bo‘lmog‘i lozim. Ana shu umuminsoniy qadriyat va orzu-intilish Harakatlar strategiyasining asosiy maqsadi qilib qo‘yilgani O‘zbekistonda insonparvar davlat siyosatining chuqurlashib borayotganidan dalolat beradi;
beshinchidan, har qanday xalq, har qanday jamiyat tinch-totuv yashashdan, barqarorlikdan manfaatdor. Bu azaliy qoida XXI asrda, ayniqsa, dolzarb ahamiyat kasb etmokda. Jahonda diniy ekstremizm va aqidaparastlikning avj olayotgani, millatlararo totuvlikka rahna solishga harakat qilayotgan kuchlarning mavjudligi O‘zbekistonda diniy bag‘rikenglik va millatlararo totuvlik xalq fenomeniga, uning ma’naviy timsoliga, ruhiy qiyofasiga aylangani eng katta yutugimizdir. Endi bu bebaho boylikni asrash, rivojlantirish uchun har bir fuqaro qalbida mafkuraviy immunitetni, ma’naviy-ma’rifiy salohiyatni oshirish orqali tinch-osuda hayotni, Vatanimiz mustaqilligi, xalqimiz, farzandlarimiz kelajagini ko‘z qorachigidek asrash yo‘lidagi mas’uliyatni kuchaytirishni taqozo etmoqsa.
O‘zbekistoning tashqi siyosati o‘zaro manfaatli, chuqur o‘ylangan, har qanday davlat suverenitetini hurmat qilgan holda, teng huquqli sog‘lom munosabatlarni chuqurlashtirishdan iborat. Harakatlar strategiyasi ana shu qadriyatlarni yangi tarixiy sharoitda taraqqiyotning yangi bosqichiga ko‘tarishga da’vat etadi.
Shu ma’noda, O‘zbekistonda yangilanishlar strategiyasining zamon talablariga mos va uzoqni ko‘zlagan, aniq maqsadlarga tayangan taraqqiyot davri boshlandi, deb aytishga har tomonlama haqlimiz.
Nazorat savollari:
SHAKLI VA MAZMUNI 106
Fan bo‘yicha talabaning mustaqil ta’limi shu fanni o‘rganish jarayonining tarkibiy qismi bo‘lib, uslubiy va axborot resurslari bilan to‘la ta’minlangan. Talabalar auditoriya mashg‘ulotlarida professor-o‘qituvchilarning ma’ruzasini tinglaydilar, amaliy misollar yechadilar. Auditoriyadan tashqarida talaba darslarga tayyorlanadi, adabiyotlarni konspekt qiladi, uy vazifa sifatida berilgan topshiriqlarni bajaradi. Bundan tashqari ayrim mavzularni kengroq o‘rganish maqsadida qo‘shimcha adabiyotlarni uqib mavzu bo‘yicha testlar yechadi. Mavzuga doir masalalar, keys-stadi va o‘quv loyihalarini Axborot resurs markazi manbalari hamda izlanish ob’ekti bo‘lmish korxona va tashkilotlarning ijtimoiy-iqtisodiy ko‘rsatkichlari hamda O’zbekiston Respublikasi Davlat statistika qo‘mitasi ma’lumotlarini to‘plagan holda bajaradi. Mustaqil ta’lim natijalari reyting tizimi asosida baholanadi. 106
Uyga berilgan vazifalarni bajarish, yangi bilimlarni mustaqil o‘rganish, kerakli ma’lumotlarni izlash va ularni topish yo‘llarini aniqlash, Internet tarmoqlaridan foydalanib ma’lumotlar to‘plash va ilmiy izlanishlar olib borish, ilmiy to‘garak doirasida yoki mustaqil ravishda ilmiy manbalardan foydalanib ilmiy maqola (tezis) va ma’ruzalar tayyorlash kabilar talabalarning darsda olgan bilimlarini chuqurlashtiradi, ularning mustaqil fikrlash va ijodiy qobiliyatini rivojlantiradi. Shuning uchun ham mustaqil ta’limsiz o‘quv faoliyati samarali bo‘lishi mumkin emas. Uy vazifalarini tekshirish va baholash amaliy mashg‘ulot olib boruvchi o‘qituvchi tomonidan har darsda amalga oshiriladi. 106
qanday ishlar amalga oshirilishi maqsad qilib qo‘yilgan?
Do'stlaringiz bilan baham: |
