Oʻzbekiston metallurgiya kombinati

"OʻZBEKISTON METALLURGIYA KOMBINATI" AKSIYADORLIK JAMIYATI
Qora metallurgiya sanoati korxonasi. Toshkent viloyati Bekobod shahrida joylashgan bo’lib qora metallurgiya mahsulotlarining eng muhim turlari (poʻlat, va navli prokat), armatura poʻlati, shvellerlar, poʻlat sharlar, poʻlat sirlangan idishlar ishlab chiqaradi, respublika boʻyicha yigʻiladigan temirtersak, metall chiqindilarini qayta eritadi.
1942 yildan umumxalq hashari yoʻli bilan qurila boshlagan, 1944 yil 5 martda ishga tushirilgan. Birinchi bo’lib Marten sexi, choʻyan quyish sexi o’z faoliyatini boshlagan. Marten sexida 3 marten pechi mavjud (1944, 1945 va 1949 yillarda ishga tushirilgan). 1946—49 yillarda prokat sexi ishga tushirildi. 1962 yilli uzluksiz poʻlat quyuv qurilma ishga tushirilgan; 1974 yildan sirlangan poʻlat idishlari ishlab chiqarish boshlanadi. 1978 yil yillik quvvati 250 ming t boʻlgan elektr yordamida poʻlat eritadigan 1pech, dek.da 2 pech, 1979 yil sentyabr da 3pech mahsulot bera boshladi. 1984 yil iyudda navli prokat sexining 1chisi, 1987 yil sentyabrda 2chisi ishta tushirildi. 1991 yildan 32—76 mm li poʻlat quvurlar ishlab chiqaradigan ikki liniya mahsulot chiqara boshladi. 1994 yil iyunida togʻ-kon sanoati uchun ruda maydalash tegirmon sharlari ishlab chiqarish stansiyani foydalanishga topshirildi. Korxonada asosiy mahsulotlar bilan birga 50 yaqin turdagi xalq isteʼmoli tovarlari ham ishlab chiqariladi.
Korxona 1944—94 yillarda "Oʻzbekiston metallurgiya zavodi" deb nomlangan. 1994 yil 24 martdan uning tarkibiga Shirin mashinasozlik zavodi, "Ikkilamchi qora metallar" korxonalari boshqarmasi kirdi va aksiyadorlik ishlab chiqarish birlashmasiga aylantirildi. 2003 yilda 486 ming t poʻlat, 550,7 ming t tayyor prokat, shu jumladan, 132,1 ming t tegirmon sharlari ishlab chiqarildi. Chet ellarga 86740 ming AQSH dollarilik mahsulotlar eksport qilindi. Mahsulotlari Rossiya, Qozogʻiston, Afgʻoniston, Eron va boshqalarga eksport qilinadi. Chet ellardagi firmalar bilan ishlab chiqarish va ilmiy aloqalar oʻrnatilgan. Sirlangan poʻlat idishlari ishlab chiqarish sexi xozirda Xalq istemol mollari ishlab chiqarish(XIMICH) sexi deb nomlanadi. Sex koplab dastgox va agregatlarni o’zida mujassam qilgan.Sex jami 10 ta uchastka va bo’limdan iborat:

Payvandlash elektrodlari ishlab chiqarish uchastkasi

Bosh mexanik xizmati uchastkasi

Asbob-uskunalar tamirlash uchastkasi

Namlab maydalash bo’limi

Qoliplash uchastkasi

Zangsizlantirish,payvandlash va to’g’irlash uchastkasi

Idishlarni sirlash bo’limi

Bezaklash bo’limi

Sir-kukuni tayyorlash uchastkasi

Tayyor maxsulotlarni o’rab taxlash va maxsulotlarni saqlash ombori

Yana sexda elektriklar va santexnika xizmati ham mavjud. Biz amaliyotni asosan mexanika xizmati bo’yicha qoliplash uchastkasi da o’tkazdik. Qoliplash uchastkasida 15 ta AIDA rusumli gidravlik presslari va boshqa qo’shimcha dastgoxlar bor. Asosiy ishlar manashu AIDA gidravlik presslari orqali amalga oshiriladi. Ushbu presslar yarimtayyor idishlarni yakuniy o’lchamga keltirishga xizmat qiladi, shundan so’ng idishlar yog’ vazanglardan tozalanadi(Zangsizlantirish,payvandlash va to’g’irlash uchastkasida).
Amaliyot jarayonida biz ko’plab dastgox va agregatlarni tamirlashni o’rgandik. Dastgox va agregatlarni o’z vaqtida tamirlash sexni oylik rejadan ortda qolmasligiga xizmat qiladi. Mexanika xizmati oylik rejani bajarishda katta axamiyatga ega.