O'zbekiston mening Vatanim

Tasviriy faoliyat turi: Naturaga qarab haykal ishlash.
Darsning jihozlanishi: Usta kulollar tomonidan ishlangan laganlar, ularning fotosuratlari.
Dars tafsilotlari:
I.Dars mavzusiga kirish: Darsni kulolchilik haqidagi suhbat bilan boshlash maqsadgamuvofiq. Suhbat orqali o'quvchilar spool laganlarning o'ziga xos jihatlari, ularni yasash texnologiyasi haqida ma'lumotga ega bo'ladilar. Misol uchun, loydan idish yasash texnologiyasining vujudga kelishi, ustalarning naqshlaridagi sir va ramzlar, kulolchilik charxining qadimda ham, hozirgi kunda ham qo'llanib kelayotganligini aytib o'tiladi. O'zbekistonda kulolchilik maktabilari keng rivoj topgan. Ularning asosiylari Rishton, G'urumsaroy, Samarqand, Urgut, G'ijduvon, Shaxrisabz, Toshkent, Xorazm hisoblanadi. O'zbekistonda ustalardan A. Xazratqulov, T. Miraliyev, M. Siddiq, M. Raximov, R. Matchanov, U. Jo'raqulov, M. Ismailov, M. Turopovlar shuhrat qozonganlar. Kulol chilikda tayorlanadigan asosiy mahsulotlar bu - sopol idish va haykallar, terrakota (kuydirilgan qizg'ish-jiggar rang gil), fayans (ganch aralash loy), chinni buyumlar, mayolika (sirlangan sopol) hisoblanishi haqida ma'lumot beriladi.