O'zbekiston mening Vatanim

Tasviriy faoliyat turi: Borliqni idrok etish, rangtasvir kompozitsiyasi.
Darsning jihozlanishi: Rassmolarning "Kuz manzarasi" mavzusidagi asarlarining reproduksiyalari.
Dars tafsilotlari:

Dastlab birinchi darsda o'quvchilarga tabiatning go'zal go'shalaridan biriga kuzgi tabiat manzarasini o'rganish maqsadida sayohat uyushtiriladi. Sayohat tasviriy san'at darsida yoki darsdan keyin (darsdan oldin) o'tkazilishi mumkin.

I. Dars mavzusiga kirish: Atoqli manzarachi rassom O'.Tansiqboyevning "Issiqko'l oqshomi", "Kuz tongi", "Jonajon o'lka", I.Xaydarovning "Oltin kuz", I. Levitanning "Oltin kuz" asarlari asosida darslikdagi rasm va savollardan foydalangan holda suhbat uyushtiriladi. O'quvchilarning javoblari umumlashtiriladi.

O'zbekiston xalq rassomi N.G. Karaxan (1909-1970)ning ham manzara janrida samarali ijod qilganligi aytib o'tiladi. U tabiat fonida kishilarni ham tasvirlagan. Bunday asarlariga misol qilib "Ayollar g'allazorda", "G'alla elayotgan ayol", "Nanay yo'li", "Yashnayotgan vodiy", "Oltin sIImfoniya", "So'nggi nur" kabi asarlarini keltirish mumkin.

Darslikda berilgan ikki rasmdagi kuz manzaralari taqqoslanadi: Birinchi rasmda quyoshli, havo ochiq bo'lgan kuz manzarasi, ikkinchisida esa o'sha manzaraning bulutli ko'rinishdagi tasviri beriladi.