O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

O‘zbekiston Respublikasi Vazirlar Mahkamasi:

• 
  aholini ijtimoiy himoya qilish davlat dasturlarini ishlab chiqadi va tasdiqlaydi, aholini ijtimoiy himoya qilish sohasida davlat hokimiyati va boshqaruvi organlarining faoliyatlarini muvofiqlashtiradi;
  
• 
  aholini ijtimoiy himoya qilish sohasida me’yoriy-huquqiy hujjatlarni qabul qiladi;
  
• 
  muhim ahamiyatga ega bo‘lgan ijtimoiy me’yorlar va ko‘rsatkichlarni ishlab chiqadi va tasdiqlaydi;
  
• 
  aholini ijtimoiy himoya qilish bo‘yicha tadbirlarni amalga oshirishda ish beruvchilar, jamoat va xayriya tashkilotlarining ishtirokini ta’minlash bo‘yicha choralarni ko‘radi;
  
• 
  ixtisoslashtirilgan muassasalar faoliyatini tashkillashtirish va infratuzilmasini rivojlantirish, takomillashtirish choralarini ko‘radi;
  
• 
  aholini ijtimoiy himoya qilish masalalari bo‘yicha hukumatlararo kelishuv va shartnomalar qabul qiladi;
  
• 
  qonunchilikka muvofiq boshqa vakolatli tadbirlarni amalga oshiradi.
  

O‘zbekiston Respublikasi Sog‘liqni saqlash hamda Bandlik va mehnat munosabatlari vazirliklari:

• 
  aholini ijtimoiy himoya qilish sohasida davlat siyosatini ishlab chiqish va amalga oshirishda ishtirok etadi;
  
• 
  aholini ijtimoiy himoya qilish bo‘yicha tadbirlarning samaradorligini tahlil qiladi va ularni kuchaytirish bo‘yicha choralar va mexanizmlarni ishlab chiqadi;
  
• 
  aholini ijtimoiy himoya qilish choralarini amalga oshirish masalalarida davlat hokimiyati va boshqaruvi organlari, jamoat tashkilotlari, fuqarolarning o‘zini o‘zi boshqarish organlari va aholini ijtimoiy himoya qilishga ixtisoslashtirilgan muassasalarga uslubiy va amaliy yordam ko‘rsatadi;
  
• 
  aholini ijtimoiy himoya qiluvchi tasarrufiy ixtisoslashtirilgan muassasalar faoliyatini tashkillashtiradi va muvofiqlashtiradi;
  
• 
  aholini ijtimoiy himoya qilish sohasida qonunchilikka rioya etilishini nazorat qiladi va monitoringini olib boradi;
  
• 
  qonunchilikka muvofiq boshqa vakolatli tadbirlarni amalga oshiradi.