O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

Ijtimoiy ish kasbiy faoliyat bo’lib, uning asosiy maqsadi kishilarga, ijtimoiy guruhlarga shaxsiy va ijtimoiy qiyinchiliklarni qo’llab-quvvatlash, himoyalash, to’g’rilash va qayta moslashtirish vositasida bartaraf etishga ko’maklashishdir. Ijtimoiy ish atamasi bozor iqtisodiyoti bilan jips bog’liq, chunki uning samaradorligiga erishish ijtimoiy qatlamlarning yuzaga kelishi bilan birga kechadi. Ijtimoiy ish ikki bosqichli: turar joyi bo’yicha ijtimoiy oldini olish va ixtisoslashtirilgan ijtimoiy yordam.

Ijtimoiy kafolatlar sharoitlar, usullar va vositalar, bular fuqarolarning konstitustiyaviy kafolatlangan huquq va erkinliklarini to’siqsiz amalga oshirishni va har tomonlama himoya qilishni ta’minlaydi. Minimal iste’mol budjetini ishlab chiqish, turar joyga bo’lgan minimal maqbul sharoitlarni ta’minlash, ma’lumot olish, sog’liqni saqlash muhim ijtimoiy kafolatlar hisoblanadi.

Ijtimoiy ko’rsatkichlar jamiyatda ilmiy asoslangan talablarga muayyan yuzaga kelgan ish holatiga muvofiq baholash uchun boshqarish va rejalashtirishda qo’llaniladigan ijtimoiy rivojlanishning ahvoli, borishi va yo’nalishining miqdor va sifat tavsifi. Jamiyat va aholi turli guruhlarining demografik, iqtisodiy, ijtimoiy, siyosiy, axloqiy, ijtimoiy-madaniy, ma’naviy rivoji, turmush tarzi ijtimoiy ko’rsatkichlar hisoblanadi.