O`zbekiston davlat san`at va madaniyat instituti

Birinchidan, alohida iqtidor talab etadigan ijodiy faoliyatga asoslangan oliy о‘quv yurtlariga iqtidorli bolalarni test sinovlari bilan emas, balki ijodiy imtihonlar asosida qabul qilish, shu asosga kо‘ra О‘zbekiston davlat Konservatoriyasi, О‘zbekiston davlat san’at va madaniyat instituti, Kamoliddin Behzod nomidagi Milliy dizayn va rassomchilik instituti,Toshkent davlat arxitektura institutida ana shunday xayrli ishlar boshlanib ketdi.Madaniyat va san’at namoyandalari, О‘zbekiston xalq artistlari, О‘zbekistonda xizmat kо‘rsatgan artistlar,О‘zbekistonda xizmat kо‘rsatgan madaniyat xodimlari esa ana shu imtihon-sinovlarning imtihon qabul qiluvchi tashkilotchilari bо‘ldilar.
Ikkinchidan, haqiqiy ijod tug‘ilishi, rivoj topishi uchun iqtisodiy ta’minot va farovonlik kerak bо‘lishini hisoblab, iqtisodi baquvvat banklar, ishlab chiqarish korxonalarining madaniy-ma’rifiy muassasasalarga homiylik qilish masalasiga alohida e’tibor qaratildishunga asosan, masalan О‘zbekiston davlat san’at va madaniyat institutiga Olmaliq kon-metallurgiya zavodi tomonidan otaliqqa olish imkoniyati yaratildi. Institutda yangi adabiyotlar avlodini yaratish, iqtidorli talabalarning namunali sahna asarlarini qator davlat sahnalarida namoyish etish, turli nominatsiyalar, kо‘rik-tanlovlarda ishtirok etgan iste’dodli yoshlarning moddiy va ma’naviy qо‘llab quvvatlanishi ijodiy jamoaning rivojlanishi uchun bir qadar katta imkoniyat yaratdi.
Uchinchidan, respublikamizda mavjud 312 ta bolalar va о‘smirlar musiqa va san’at maktablariga rahbarlar el suygan madaniyat xodimlari va taniqli san’atkorlar tomonidan boshqarilishi yо‘lga qо‘yildi.Sababi, о‘zbek mumtoz, milliy, zamonaviy san’atiga katta hissa qо‘shgan taniqli san’atkorlar ana shu musiqa va san’at maktabida mahorat darslari о‘tishlari, iste’dod egalarining ta’lim tarbiyasi uchun mas’ul etib saylandilar. G‘ulomjon Yoqubov, Zamira Suyunova, Mahmud Nomozov, G‘iyos Boytoyevlarning ana shunday musiqa dargohlarida direktor etib tayinlanishlari о‘sha maktablarda о‘qiyotgan san’at shaydolariga ham qanot bо‘lgani rost.