O‘zbekiston aloqa va axborotlashtirish agentligi toshkent axborot texnologiyalari universiteti o‘zbek va rus tillari kafedrasi O’zbek tilidan uslubiy qo’llanma

QO’SHIMCHA  O’QISH  UCHUN  MATNLAR 

 

 

ALISHER     NAVOIY 

 

Alisher  Navoiy  1441  -  yil  9  -  fevralda  Hirot  shahrida  tug'ilgan.  U  bolalik 

davrida  Temuriy  shahzodalar  bilan  birga  tarbiyalandi.  Uning  otasi  ma'rifatparvar 

kishi  bo'lib  san'at  va  adabiyotga  qiziqar  edi.  Navoiylar  uyida  shoirlar  tez-tez 

to'planib,  she'rlar  o'qib,  san'at  haqida  suhbatlashardilar.  Bu  Alisherda  katta 

taassurot qoldirdi. U 10-12 yoshlaridayoq she'rlar yoza boshladi. 

1472 - yili Navoiy amirlik (vazirlik) vazifasiga tayinlandi. Lekin bu mansab 

shoirni  qanoatlantirmadi.  Shu  tufayli  u  ijodiy  ishga  o'tib,  o'zbek  adabiy  tilini 

rivojlantirish,  bu  tilda  adabiy  asarlar  yaratishga  kirishdi.  U  xalq  manfaatiga 

qaratilgan  masalalarni  o'zining  "Xamsa"  asarida  yoritdi.  Bu  asar  besh  dostondan 

iborat: "Hayratul abror" («Смятение праведных»), "Layli va Majnun", "Farhod va 

Shirin", "Sab'ai sayyor" («Семь планет»), "Saddi Iskandariy" («Вал Искандера»). 

Bu  ajoyib  dostonlarda  shoir  do'stlik,  chin  muhabbat,  odamlarga  g'amxo'rlik, 

halollik, obodonchilik, mehnatga muhabbatni kuylagan. 

Alisher  Navoiy  asarlarini  xalqimiz  sevib  o'qiydi.  Uning  asarlari  asosida 

"Farhod va  Shirin",  "Layli  va  Majnun", "Dilorom",  "Mehr va Suhayl"  kabi sahna 

asarlari yaratildi. 

Navoiy haqida ko'plab ilmiy va adabiy asarlar yozildi. Oybekning "Navoiy" 

romani,  L.Batning  "Hayot  bo'stoni"  povesti.  Uyg'un  va  Izzat  Sultonning  "Alisher 

Navoiy"  dramasi  shular  jumlasidandir.  Ko'pgina  tumanlar,  qishloq  va  ko'chalar, 

teatrlar,  o'quv  yurtlari,  shahar  va  mahallalar  Navoiy  nomi  bilan  atalgan. 

Toshkentda  Navoiy  nomli  milliy  bog'  yaratilgan  va  u  yerda  Navoiyga  haykal 

o'rnatilgan. Ulug' shoir, olim va mutafakkir Navoiy 1501-yilning 3 - yanvarida Iroq 

shahrida vafot etgan.