O‘zbekistan temir yo‘llari

Rasm 3.7


Bunday berkitish svetoforlarini o‘rnatish xaqida «O‘zdavtemiryo‘lnazorat» inspeksiyasi bilan kelishilgan holda, DATK raisining buyrug‘i bilan e’lon qilinadi, bunday hollarda poezdlarga ogohlantirishlar berilmaydi.
To‘silgan joyning ikkala tomonida yo‘l postlari ochilganda, bu postlar oralig‘ida poezdlar harakati kuzatuvchisiz qo‘llaniladigan aloqa va signalizatsiyaning ma’lum bir turi bo‘yicha amalga oshiriladi. Ayrim hollarda to‘silgan joydan poezdning belgilangan tezlikda harakat qilishini kuzatish uchun kuzatuvchi ham tayinlanishi mumkin.
36. Hamma holatlarda petardalar uchtadan o‘rnatiladi: ikkitasi poezdning harakatlanish yo‘nalishi bo‘yicha o‘ng tomondagi relьsga va bittasi chap tomondagi relьsga o‘rnatiladi (rasm 3.6). Petardalar orasidagi masofa 20 m dan bo‘lishi kerak.
37. Tezlikni cheklovchi ko‘chma signallar hamda «Xavfli joy boshi» va «Xavfli joy oxiri» signal belgilari 3.2 rasmda ko‘rsatilgan sxemalar bo‘yicha o‘rnatiladi.
Agar, peregondagi tezlikni pasaytirishni talab qiluvchi joy stansiya yaqinida joylashgan bo‘lsa va uni belgilangan tartibda to‘sish mumkin bo‘lmasa, to‘siq peregon tarafdan ushbu bandda belgilangan tartibda to‘siladi, stansiya tarafdan esa 3.8 rasmda ko‘rsatilgan tartibda to‘siladi.





Rasm 3.8


Ko‘chma sariq signalga yaqinlashganda mashinist lokomotiv (motor vagon poezdi), maxsus o‘ziyurar harakat tarkibidan bitta uzun hushtak signalini berishi shart va poezdni shunday harakatlantirishi kerakki, «Xavfli joy boshi» (rasm 3.9, a) va «Xavfli joy oxiri» (rasm 3.9, b) ko‘chma signal belgilari bilan to‘silgan joyni ogohlantirishda ko‘rsatilgan tezlikda, ogohlantirish bo‘lmasa - 25 km/soat dan oshmagan tezlikda o‘tsin.
«Xavfli joy oxiri» signal belgisi «Xavfli joy boshi» signal belgisining orqa tomoniga o‘rnatiladi.
Tezlikni cheklovchi ko‘chma signal belgilari hamda «Xavfli joy boshi» va «Xavfli joy oxiri» signal belgilari stansiyalarning yo‘llarida va ko‘p yo‘lli peregonlarda kaltalashtirilgan dastaga o‘rnatilgan holda qo‘llaniladi.