O‘zbekistan temir yo‘llari

Rasm 5.25


MUVAQQAT SIGNAL BELGILARI


74. Elektr harakat tarkibining tok qabul qilgichni ko‘targan holda harakatlanishiga yo‘l qo‘yilmaydigan joylarda (kontakt tarmog‘ining nosozligida, poyezdlar harakatida tok qabul qilgichlarni tushirishni talab etadigan rejali ta’mirlash va qurilish ishlarini bajarishda) quyidagi nur qaytargichli muvaqqat signal belgilari o‘rnatiladi:
«Tok qabul qilgichni tushirishga tayyorlan» (rasm 5.26, a);
«Tok qabul qilgichni tushir» (rasm 5.26, b);
«Tok qabul qilgichni ko‘tar» (rasm 5.26, v).





Rasm 5.26
Bu belgilarni o‘rnatish sxemasi rasm 5.27 da keltirilgan.



Rasm 5.27


Agar ikki yo‘lli uchastkalarda poyezdlarni yo‘llarning biri va kontakt tarmog‘i bilan jihozlanmagan vaqtinchalik s’ezdlar orqali o‘tkazilgan holda rejali yo‘l ta’mirlash va qurilish ishlari bajarilayotganda «Tok qabul qilgichni tushir» signal belgisi cheklanuvchi uchastkadan 100 m dan kam bo‘lmagan masofada o‘rnatiladi.
Qolgan signal belgilari rasm 5.27 da keltirilgan sxema bo‘yicha o‘rnatiladi.
Kontakt tarmog‘ining harakat tarkibi tok qabul qilgichlarini ko‘tarib harakatlanishiga yo‘l qo‘yib bo‘lmaydigan nosozliklarining behosdan aniqlanganida bu nosozlikni aniqlagan elektr ta’minoti distansiyasining xodimi kutilayotgan poyezd tomon 500 m ga borishi va yaqinlashayotgan poyezd mashinistiga «Tok qabul qilgichni tushir» qo‘l signalini (rasm 5.28) berishi shart:



Rasm 5.28


kunduzi - chap qo‘l vertikal ko‘tarilgan holda o‘ng qo‘lning gorizontal chiziq bo‘yicha takror harakatlari;
kechasi – tiniq oq rangli chiroqli fonarning vertikal va gorizontal bo‘yicha takror harakatlari.
Mashinist xabarlovchi signal berishi, elektr zanjiri toksizlanganda tok qabul qilgichlarni tushirishi va alohida hushyorlik bilan zararlangan joydan o‘tishi, kontakt tarmog‘ining sozligiga ishonch hosil qilgach tok qabul qilgichni ko‘tarishi va harakatni davom ettirishi shart.
75. Qor tozalagichlar ishlayotgan uchastkalarda to‘siqlar odidan «Surgichni ko‘tar, qanotlarni yop» (rasm 5.29), to‘siqlardan so‘ng esa – «Surgichni tushir, qanotlarni och» (rasm 5.30) muvaqqat signal belgilari o‘rnatiladi.