O‘zbekistan temir yo‘llari

Rasm 4.8


51. Signalistlar va strelkali post navbatchilari har qanday holatlarda, stansiyadan jo‘nayotgan poyezdlarni kunduzi o‘ralgan sariq bayroqcha bilan va kechasi - qo‘l fonarining yorqin-oq chirog‘i bilan kuzatadilar.



Rasm 4.9





Rasm 4.10
52. Poyezddan lokomotiv mashinistiga to‘xtash signali kunduzi – ochiq qizil bayroqcha bilan; kechasi - qo‘l fonarining qizil chirog‘i bilan beriladi.
53. Yo‘lovchi poyezdlar stansiyada to‘xtagandan keyin jo‘nash vaqtida radiokupe (shtab) va oxirgi vagon kuzatuvchilari (boshi berk yo‘llardan poyezdni jo‘natish hollari bundan mustasno) platforma tarafiga (platformani oxirigacha):
kunduzi – o‘ralgan sariq bayroqcha;
kechasi - qo‘l fonarining yorqin-oq chirog‘ini ko‘rsatishlari kerak.
Bu poyezdni yaxshi holatda o‘tganini ko‘rsatadi. Boshqa vagonlar kuzatuvchilari vagon yon tomonidagi eshiklarini berkitib, platforma bo‘ylab o‘tayotganda tambur derazalari orqali berilishi mumkin bo‘lgan signallarni kuzatib o‘tishadi.
54. Temir yo‘llar, sun’iy inshootlar kuzatuvchilari, pereezdlar navbatchilari yo‘llar bo‘shligida poyezdlarni kutib oladilar: kunduzi – o‘ralgan sariq bayroqcha bilan, kechasi - qo‘l fonarining yorqin-oq chirog‘i bilan (rasm 4.11).
Tezlikni cheklovchi yoki to‘xtash signallari bilan to‘silgan joylarda, ular poyezdlarni kunduzi yoki kechasi yo‘lda o‘rnatilgan signallarga mos signallar bilan kutib oladilar.


5-bob


SIGNAL KO‘RSATKICHLARI VA BELGILARI
MARSHRUT KO‘RSATKICHLARI



55. Qabul yo‘lini yoki poyezd yoki manyovr tarkibining harakatlanish yo‘nalishini ko‘rsatish zarur bo‘lgan hollarda, svetoforlar machtasida yoki alohida machtada joylashtiriluvchi oq rangli chiroqli yo‘nalish ko‘rsatkichlaridan (raqamli, xarfli yoki holatini ko‘rsatuvchi) foydalaniladi (rasm 5.1, a).
Rasm 5.1


Guruhli chiqish va marshrut svetoforlarida poyezd harakatiga ruxsat etilgan yo‘l raqamini ko‘rsatish uchun yashil rangli chiroqli marshrut ko‘rsatkichlari o‘rnatiladi (rasm 5.1, b).
Bu ko‘rsatkichlardan chiqish yoki marshrut svetoforida oq rangli chiroq mavjud bo‘lganda, manyovr tarkibiga harakat ruxsat etilgan yo‘l raqamini ko‘rsatish uchun ham foydalanish mumkin.