O‘zbekistan temir yo‘llari

To‘suvchi va ularga ogohlantiruvchi bo‘lgan svetoforlarning normal signal chiroqlari yonmagan bo‘ladi (rasm 2.23, v) va shu holatda svetoforlar signal mohiyatiga ega bo‘lmaydi. Bu svetoforlarning machtalari farqlanish ranglariga bo‘yaladi – og‘ishtirilgan ketma-ket keluvchi qora va oq rangdagi tasmalar.

Rasm 2,23
OGOHLANTIRUVCHI VA TAKRORLOVCHI SVETOFORLAR


25. Avtoblokirovka bilan jihozlanmagan uchastkalarda kirish, o‘tish va berkitish svetoforlarining oldidagi ogohlantiruvchi svetoforlardan quyidagi signallar uzatiladi:
bitta yashil chiroq - «Belgilangan tezlikda harkatlanishga ruxsat beriladi; asosiy svetofor ochiq» (rasm 2.24);
bitta sariq chiroq - «To‘xtashga tayyor bo‘lgan holatda harakatlanishga ruxsat beriladi; asosiy svetofor yopiq» (rasm 2.25);
bitta o‘chib yonadigan sariq chiroq - «Belgilangan tezlikda harakatlanishga ruxsat beriladi, kirish svetofori ochiq va uni pasaytirilgan tezlikda o‘tish talab etiladi; poyezd stansiyaning yon yo‘liga qabul qilinadi».
26. Takrorlovchi svetofor bitta ko‘k chiroq ko‘rsatib, chiqish yoki marshrut svetoforining ochiqligini bildiradi (rasm 2.26).
Takrorlovchi svetoforlarning normal signal chiroqlari yonmagan bo‘ladi va shu holatda svetoforlar signal mohiyatiga ega bo‘lmaydi.


Stansiyada to‘xtagan yo‘lovchi poyezdlar faqat takrorlovchi svetoforda yashil chiroq yonganda harakatga keltirilishi mumkin. Agar takrorlovchi (yoki chiqish) svetoforining nosozligi sababli yashil chiroqni yoqish mumkin bo‘lmasa, uni o‘tish tartibi O‘zbekiston Respublikasi temir yo‘llarida poyezdlar harakati va manyovr ishlari bo‘yicha yo‘riqnoma bilan belgilanadi.


Rasm 2.24

Rasm 2.25


Rasm 2.26
LOKOMOTIV SVETOFORLARI


27. Avtoblokirovka va avtomatik lokomotiv signalizatsiya bilan jihozlangan uchastkalarda, lokomotiv svetoforlaridan quyidagi signallar uzatiladi: