|
go‘zallashmoq, ommalashmoq, hazillashmoq fe’llari qaysi nisbatda?
A) o‘zlik nisbatda B) birgalik nisbatda
C) majhul nisbatda D) aniq nisbatda
31. Gaplarning qay birida "ko‘rmoq" so‘zi yordamchi fe’l tarzida qo‘llangan?
A) Mening ko‘zlarim yaxshi ko‘radi.
B) Ularni uzoqdan ko‘rdim.
C) Yaxshi ko‘rmoq ayb emas.
D) Salima qizini ovutish maqsadida qo‘lga olib ko‘rdi.
32. 1) Qushlar uni yaxshi ko‘rishib, Mayna deb ism qo‘yishibdi.
2) Yozuvchi turmushni har taraflama o‘rganishi, buning uchun uning hamma
sohalaridan xabardor bo‘lishi kerak.
Ushbu gaplardagi fe’llarda qo‘llangan -ish qo‘shimchasi haqidagi qaysi hukm to‘g‘ri?
A) 1 - gapda harakat nomi, 2 - gapda birgalik nisbat shaklini hosil qilgan
B) har ikkala gapda birgalik nisbat shaklini hosil qilgan
C) har ikkala gapda harakat nomi shaklini hosil qilgan
D) 1 - gapda birgalik nisbat, 2 - gapda harakat nomi shaklini hosil qilgan
33. Fe’l shakllaridan qay biri zamon va shaxs-sonni ko‘rsatmaydi?
A) Harakat tarzi shakli C) sifatdosh
B) harakat nomi D) ravishdosh
34. Berilgan gaplarning qay birida "turmoq" so‘zi yordamchi fe’l vazifasida qo‘llangan?
A) Mashina maydonning o‘rtasida turibdi
B) Majnuntolning kokillari osilib, yo‘lni to‘sib turibdi
C) Lug‘at kitobi stol ustida turgan edi
D) Savolga turib javob berdi
35. Qaysi qatordagi ravishdosh holat ma’nosini ifcdalagan?
A) Bobur gulni yana bir hidlab, boshidagi sallasining qatiga qistirib qo‘ydi.
B) Tog‘ga chiqqach, osmonning pasttigini his qildi.
C) Murodxonlarnikiga qarab sekin yo‘lga tushdim.
D) Gapni bilib-bilmay gapirmaslik kerak.
36. Fe’l shakllaridan qaysi biri otlashadi?
A) ravishdosh B) sifatdosh C) harakat nomi D) A va B
37. Qaysi qatordagi qo‘shma fe’llar qo‘shib yoziladi?
A) yiqila/yozdi, yoza/berdi B) sotib/oldi, olib/qo‘ydi
C) taklif/qildi, bayon/etdi D) Qo‘shma fe’llar doimo ajratib yoziladi.
38. Shaxsi ko‘chgan holda qo‘llangan gap qaysi qatorda berilgan?
A) Bo‘sh-bayov ekansizlar. Jilla bo‘lmasa, mol-mulkni o‘z qo‘llaringga
o‘tkazib ololmadinglar.
B) Lenada zolim podsho ishchilarni qoniga bo‘yagan edi.
C) Anvar yugurib borib, Alimardonning yoqasidan oldi:
-Shunaqa narsa bilan hazil qiladimi, odam?
D) Oyimxonni chaqiradilar. Hamma shu yerda, faqat sizni kutishadi.
39. Mehmonxona yaxshi isitilgan, katta stolga dasturxon yozilgan, atrofiga stullar
terilgan edi. Ushbu gap tarkibida fe’lning qaysi nisbat shakli qo‘llangan?
A) aniq nisbat B) o‘zlik nisbati
C) majhul nisbat D) orttirma nisbat
40. Buyruq-istak maylidagi fe’llar qatorini aniqlang.
A) o‘qisam, borsak, ko‘rmasa
B) bildirmoqchi, chaqirmoqchiman, ishlamoqchisiz
C) ishlay, boraylik, aytsin
D) isidi, ketadi, o‘qiyapti
41."Isitildi" so‘zida qaysi nisbatlarni hosil qiluvchi qo‘shimchalar bor?
A) majhul nisbat C) o‘zlik nisbat
B) aniq va birgalik nisbat D) orttirma va majhul nisbat
42. Berilgan yordamchi fe’ldan qaysi biri deyarli barcha fe’llar bilan qo‘llana oladi?
A) boshla B) yubor C) tashla D) tushdi
43. -lan, lash qo‘shimchalari ...
A) otdan fe’l yasaydi. B) sondan fe’l yasaydi.
C) o‘zlik va birgalik nisbatlarini hosil qiladi D) A va B
44. Qaysi gapda I shaxs ko‘plikdagi fe’l II shaxs ko‘plikdagi fe’lni ham ifodalashi mumkin?
A) Xo‘sh, endi bunga nima desiz?
B) Qani, endi ishga tushaylik.
C) Eh, do‘stim, bizdek bo‘lishing uchun ko‘p ishlashing kerak.
D) Biz bu masalani boshqacha usul bilan hal qildik.
45. Orttirma nisbat qo‘shimchalaridan iborat qatorni ko‘rsating.
A) -tir,-giz,-ish,-il,-sat C) -ir,-iz,-ar,-t,-dir
B) -in,-ish,-iz,-ir,-sa D) -t,-gaz,-sh,-qaz,-il
46. Holat fe’llari berilgan qatorni toping.
A) qizarmoq, g‘azablanmoq B) uhlamoq, o‘kinmoq
C) o‘tmoq, quvonmoq D) sug‘ormoq, yasharmoq
47. Sonning takrorlanishi bilan yasalgan ravishlar berilgan qatorni aniqlang.
A) birdan bir, uchma-uch B) so‘zma-so‘z, ustma-ust
C) dam-badam, boshma-bosh D) ko‘pdan ko‘p, yangidan yangi
48. Holat ravishi qaysi gap tarkibida qo‘llangan?
A) G‘ulomjon otasi yonida turib atrofga qaradi
B) Kechagi topshiriq o‘z vaqtida bajarildi
C) Oyqiz uning qo‘qqisdan g‘oyib bo‘lgani to‘g‘risida o‘ylab, vahimaga tushdi
D) Sayohatchilar yuqoriga ko‘tarilib, qarag‘ayzor va archazorga yetdilar
49. Yigitning ko‘ngli tinchidi va aybdorlarcha tabassum bilan qizga qaradi
Ushbu gapda "aybdorlarcha" so‘zi qaysi so‘z turkumiga mansub?
A) olmosh B) sifat C) ravish D) ot
50. Chang va tutundan mashina va odamlar zo‘rg‘a ko‘rinar edi.
Ushbu gapda qo‘llangan ravishning turini aniqlang.
A) holat ravishi B) payt ravishi
C) daraja-miqdor ravishi D) sabab ravishi
Do'stlaringiz bilan baham: | 
