O‘zbek tilining sohada qo‘llanilishi” fanidan O‘quv-uslubiy majmua toshkent – 2021

3-topshiriq. Fakultet dekaniga o‘quv (akadem) ta’til berishni so‘rab ariza yozing.
Ishonchnoma
Topshiriqlar:
1-topshiriq. Matnda tushirib qoldirilgan qo‘shimchalarni to‘g‘ri topib qo‘ying va shaxsiy ishonchnoma namunasini daftaringizga ko‘chiring.
ISHONCHNOMA
Men, Kamol Yo‘ldoshev, guruhdosh... Shuhrat Ahmedovga (pasport ma’lumotlari beriladi) Chilonzor tumanidagi 64-aloqa bo‘lim... men... nom... kelgan 350000 (uch yuz ellik ming) so‘m miqdoridagi pul jo‘natma... ol... uchun ishonch bildir…
(imzo) K. Yo‘ldoshev.
2021-yil 5-may
K. Yo‘ldoshev imzosini tasdiqlayman.
Institut kadrlar bo‘limi boshlig‘i (imzo) A Shukurov.
(muhr)
2-topshiriq. Quyidagi so‘z va so‘z birikmalari yordamida ishonchnoma yozing.
Ishonchnoma tuzmoq, pul jo‘natmasini olmoq, xizmat safari, mart oyi uchun, nomimga kelgan, ishonch bildirmoq, vakolat bermoq, kursdoshimga, menga tegishli, huquqini bermoq, imzo qo‘yishga, shartnoma tuzishga, uyushma kassasidan, pasportga ega, betobligim tufayli, imzosini tasdiqlamoq, bir yillik muddatga berildi.

T I L X A T
Savollar:

1. 
   Tilxatdagi yozuvlarni nega o‘chirish yoki tuzatish mumkin emas?
   
2. 
   Tilxat notarial idoralarida tasdiqlanishi shart bo‘lgan holatlarni izohlang.
   
3. 
   Buyum yoki pul miqdori tilxatda qanday ko‘rsatiladi?
   
4. 
   Qaysi holatda tilxat matnida guvohlar ko‘rsatiladi?
   

T A V S I F N O M A
Topshiriqlar:
1-topshiriq. Insonga xos belgi-xususiyatni ifodalovchi so‘zlarni ijobiy va salbiy munosabat bildirishga ko‘ra ikki ustunga ajratib ko‘chiring.
Halol, g‘amxo‘r, maqtanchoq, samimiy, sipo, qo‘pol, mas’uliyatsiz, e’tiborli, mehribon, loqayd, jamoat ishlari sust, to‘g‘riso‘z, beparvo, dangasa, talabchan, ko‘ngilchan, shirin so‘z, janjalkash, tashabbuskor, andishali, indamas, odamovi, kishilarga aralashmaydigan, obro‘li, ginachi, sovuqqon, qobiliyatli, bilimi bo‘sh, iqtidorli.
2-topshiriq. a) xodim (talaba)ning ish (o‘qish)ga munosabatini ifodalovchi quyidagi so‘z va so‘z birikmalarini o‘z misollaringiz bilan to‘ldirib, daftaringizga ko‘chiring.
Vijdonli, mehnatsevar, tashabbuskor, ishni o‘z vaqtida bajaradigan, ongli, dunyoqarashi keng, siyosiy yetuk, o‘zi va o‘rtoqlariga talabchan, o‘z ishini yaxshi biladigan, intizomli, hozirjavob, mas’uliyatli ... .
b) ushbu so‘z va qoliplashgan so‘z birikmalaridan foydalanib guruhdoshingiz (o‘qituvchingiz)ning o‘z ishiga munosabatini yorituvchi tavsifnoma matnini tayyorlang.