Ozbek tili

bexabar, besabr. 

ba-.  Otga  qo‘shilib,  belgining  ortiqligini  ifodalovchi  sifat  yasaydi:  badavlat, 

basavlat. 

no-.  Otga  yoki  sifatga  qo‘shilib,  negiz  anglatgan  belgiga  ega  emaslik  ma’nosini 

ifodalovchi sifatlar hosil qiladi: noinsof, notinch. 

Sintaktik usul bilan qo‘shma, murakkab va juft sifatlar yasaladi. 

Qo‘shma  sifatlar  birdan  ortiq  so‘z  yoki  so‘z  shakllaridan  tarkib  topib,  bir  urg‘u 

bilan  aytiladi  va  bir  belgini  ifodalaydi.  Qo‘shma  sifat  qismlari  yozuvda  qo‘shib  yoziladi: 

orombaxsh, rahmdil, tinchliksevar, tezoqar, ertapishar. 

Murakkab  sifatlar  bitta  murakkab  belgini  ifodalaydigan,  alohida  urg‘u  bilan 

aytiladigan,  birdan  ortiq  so‘z  yoki  so‘z  shakllarining  birikuvidan  hosil  bo‘ladi.  Murakkab 

sifat qismlari ajratib yoziladi: qo‘li ochiq, ko‘zga yaqin, so‘zga chechan. 

Ayrim murakkab sifat qismlari orasidagi munosabat o‘ta zich bo‘lmaganligi uchun, 

ularning  o‘rnini  almashtirib  qo‘llash  mumkin  bo‘ladi:  oq  ko‘ngil-  ko‘ngli  oq,  sochi  uzun-

uzun sochli, ko‘ngli tor-tor ko‘ngilli. 

Juft  sifatlar bir umumiy belgi ifodalovchi ikki sifatning teng bog‘lanishidan hosil 

bo‘ladi:  ochiq-sochiq,  qing‘ir-qiyshiq,  uzun-qisqa,  yaxshi  –  yomon,  kattayu  kichik,  sog‘u 

salomat.