O`zbek tili va adabiyotini o`qitish metodikasi fanidan ma’ruza (VI semester 4-kurs) Individuallik

Savоl va tоpshiriqlar:

1. 
   Adiblarning hayotini o`rganishning qanday ma’rifiy-tarbiyaviy ahamiyati bоr?
   
2. 
   Alоhida оlingan bir sinfdagi Adabiyot darsligi asоsida adiblar hayotining o`rpganilishidagiumumiy jihatlarni bеlgilab chiqing.
   
3. 
   Ularda bеvоsita adibning hayoti va ijоji haqidagi savоl va tоpshiriqlarni o`rganing. Ularning yoniga o`zingiz yana qanday savоl va tоpshiriqlarni qo`shgan bo`lar edingiz?
   
4. 
   Zamоndоsh ijоdkоrlarning hayotini o`rganishda qanday qo`shimcha imkоniyatlar mavjud. Ulardan qaytarzda fоydalanish mumkin?
   
5. 
   O`tmishda yashab ijоd etgan adiblarning hayotini o`rganishda buyuk zamоndоshlarning fikr-mulоhazalari qanday ahamiyat kasb etadi?
   

Adabiyot o`qituvchisining faoliyati va unga qo`yildigan talablar. adabiyot o`qituvchisining darsga tayyorlanishi
Reja:

1. Adabiyot o‘qituvchisi va unga qo‘yiladigan talablar.

2. Adabiyot o‘qituvchisining kasbiy hamda axloqiy-ma’naviy fazilatlari.


Tayanch so‘zlar:
Talab, talqin, tahlil, ma’rifat, kashf qilmoq, idrok etmoq, lazzat, laziz, obro‘, shuhrat, mansab, tezis, adabiyot o‘qituvchisi, kasb, fazilat, mahorat, ko‘rgazmalilik, tayyorgarlik, ma’naviyat, ko‘rgazmali qurollar, material.


Adabiyot o‘qituvchisi va unga qo‘yiladigan talablar.
Adabiyot o‘qituvchisi o‘quvchilardagi mustaqillikni, ijodkorlikni tarbiyalashda alohida rol o‘ynaydi. Bu undan har bir o‘quvchidagi alohida xususiyatlarni juda mukammal darajada sezishni, uning adabiyotga bo‘lgan havasini oshirishda foyda-lanishini taqozo etadi. Zero, «O‘quvchilarning o‘z o‘qituvchilarini tinglashlari uchun, o‘qituvchining o‘zi o‘quvchilarini, olamning ko‘povozliligini tinglay olishi shart»⁸⁸. Ulug‘bek Hamdamning «Isyon va itoat» romanida shunday lavha bor: “Shunda O‘shanda … dars vaqti edi. Bitiruvchi sinf bolalaridan bir nechtasi darsga kirmay tennis o‘ynashayotgan ekan. Oldilariga kelib, o‘yinni to‘xtatib, darsga kirishlarini talab qildim. Shunda o‘sha… Sadr «Kirmaymiz, bir haftadan keyin maktabni bitiradigan bo‘lsak, o‘qidik nima-yu, o‘qimadik nima ?» dedi. Jahlim chiqsa-da tushuntirmoqchi bo‘ldim. Intizom, maktabga, o‘n yil ta’lim - tarbiya bergan o‘qituvchiga hurmat xaqida gapirdim. Befoyda. Qaytaga oshkora kibr bilan «Qo‘lingizdan nima keladi, men darsga kirmayman» – dedi. To‘g‘risi, yetti-sakkiz yildan beri maktabda ishlab, o‘quvchidan bunaqa muomala ko‘rma-gandim. Dadil borib, qo‘lidagi roketkani olmoqchi bo‘luvdim ko‘kragimdan shunaqa turtib yubordiki, orqamga ketib toyib yiqildim. Sheriklari piqillab, u esa xoxolab kulishdi. Men dovdirab qoldim. O‘sha asnoda go‘yoki ikkiga bo‘linib ketdim. Bitta parcham bu holatni – o‘z o‘quvchisi tomonidan haqoratlanib tuproqqa belanib yotgan o‘qituvchini ko’rib turardi va aynan shu parcham yaralangan sherdek na’ra tortgancha oldinga tashlanadi. Hushimga kelganimda Sadir yerda ag‘anab yotardi. Sheriklarining aytishicha, men bir tarsaki qo‘ygan ekanman. Sudda bo’lsa …
- Sadrning otasini bilmasmiding, uchiga chiqqan firibgar, muttaham. Bolasi ham shunday-da. Ular atayin ham shunaqa majora qidirib yurishadi. Sen esa shartta ilinib o‘tiribsan.
- Ha ustoz, buni keyin… pul talab qilishganda tushundim. Shunda bergan arizamizni qaytarib olamiz deyishdi. Men bir so‘m ham bermadim. Otasi ikki-uch keldi, «shu pulni bergin-da qutilgin, yosh joningni aya, juvonmarg bo‘lib ketmagin», dedi. «Pulsiz ham arizangizni qaytarib olsangiz-chi, axir bir joyning, bir mahallaning odamimiz-ku!» desam, «Yaxshilikcha bersang berding, bo‘lmasa, amaldor ukamga aytib umringni qamoqda chiritaman!...» – deydi palit.
- Hm ... shunaqa deganmidi… - tabib boshini sarak-sarak qildi. Tushundim, o‘g‘lim, tushundim. Yetar, ortiq gapirma. Tur o‘rningdan, yana bir bag‘rimga bosay,- tabib o‘ziga ikkita keladigan alpqomat Akbarni egib quchoqladi, so‘ng pesho‘zbek sidan o‘pdi-da «yo‘lga chiqishing kerak, o‘g‘lim!..» dedi⁸⁹. Akbarning asardagi mavqei, uning ma’naviy olamini tahlil qilishdan tiyilgan holda, o‘qituvchi shaxsining o‘quvchi bilan munosabatidagi bunday holatlarning amaliyotda uchrab turishi mumkinligini e’tirof etishga to‘g‘ri keladi.
Abdulla Avloniy inson shaxsining kamol topishida, uning tarbiyasida muhim bo‘lgan bir qator omillarni sanaydi: «Tarbiyani kimlar qilur? Qayda qilinur? – degan savol keladur. Bu savolga, «birinchi uy tarbiyasi. Bu o‘zbek vazifasidur. Ikkinchi – maktab va madrasa tarbiyasi. Bu ota, muallim, mudarris va hukumat vazifasidur», deb javob» beradi. Ammo o‘sha davrdagi o‘qituvchi va mudarrislarga e’tirozlarini ham aytib o‘tadi: «Maqsadi pul, maslagi shuhrat, yuqori maktablarda o‘qumagan usuli ta’lim, ko‘rmagan muallimlarni aytursizmi? Avval o‘zlari dorulmuallimin»larda o‘qumaklari so‘ngra dars bermaklari lozimdur»….. «Matlablari osh, maqsadlari chopon, darslari beimtihon, isloh yaqinidan yurmagan mudarrislarni aytursizmi? Bular o‘z vazifalarini bilub, nafslaridin kechub, zamong‘a muvofiq ravishda darslarini isdiloh qilub, imtihon birla o‘qutmaklari lozimdur»…⁹⁰ Boshqa bir o‘rinda esa u shunday yozadi: «Ilm o‘rganmak, olim bo‘lmak uchun maktabga kirmak, muallimdan ta’lim olmak lozim, aqlsiz kishilar na maktabga kirar va na muallimni bilur»⁹¹.
«Turkiy guliston yoxud axloq» kitobida «Vatanni suymak» degan alohida sarlavha berilgan. Unda, jumladan, quyidagi fikrlar bayon etiladi: «Biz turkistonlilar o‘z vatanimizni jonimizdan ortiq suydig‘imiz kabi, arablar Arabistonlarini, qumlik, issiq cho‘llarini, eskimo‘lar shimol taraflarini, eng sovuq qor va muzlik yerlarini boshqa yerlardan ziyoda suyarlar. Agar suymasalar edi, havosi yaxshi, tiriklik oson yerlarga o‘z vatanlarin tashlab hijrat qilurlar edi».
O‘qituvchi shaxsi haqida gap ketganda V.G.Belinskiyning quyidagi fikrlarini nazardan qochirmaslik zarur: «Bola tarbiyalash uchun sizga topshirilgan: shuni unutmangki, u o‘smir, keyin esa yigit bo‘lib yetishadi, qarabsizki, erkak ham bo‘lib qoladi, shu boisdan uning qobiliyati takomilini kuzatib boring hamda, shunga ko‘ra, tarbiya usullaringizni o‘zgartiring, undan hamisha yuqori turing; aks holda, holingizga voy: bola siz bilan yuzma-yuz turib ustingizdan kuladi. Uni o‘rgatar ekansiz, o‘zingiz yana ham ko‘proq o‘rganing, aks holda, u sizni ortda qoldirib ketadi: bolalar tez o‘sishadi»⁹².
Abdulla Avloniyning tarbiya turlari borasidagi qarashlari ham e’tiborlidir. U jismoniy tarbiya (badan tarbiyasi), aqliy tarbiya (fikr tarbiyasi), Axloqiy tarbiya (axloq tarbiyasi) borasida alohida-alohida to‘xtab o‘tadi.
O‘qituvchining o‘zi o‘qitayotgan fan asoslarini mukammal bilishi, bilganlarini o‘quvchilariga yetkaza olish darajasigina emas, hatto uning o‘zini tutishi, nutqi ham o‘ziga xos ahamiyat kasb etadi. M. V. Klarin bu haqda shunday deydi: «o‘qituvchi tomonidan qo‘llanadigan pauzaning davomiyligi singari «mayda narsa» o‘quv dialogining, sinfdagi o‘zaro hamkorlikning xarakteriga sezilarli ta’sir o‘tkazadi»⁹³. Xuddi shu fikrlarni davom ettirib boshqa bir psixolog – metodist Ye. V. Korotaeva shunday yozadi: «Agar «javobni kutuvchi pauza» o‘qituvchi tomonidan uch sekunddan besh sekundgacha cho‘zilsa, mulohazalar soni ortadi, javoblarning davomiyligi ko‘payadi, o‘quvchilarning o‘zlariga bo‘lgan ishonchlari ko‘tariladi, ularning mulohazalarida dalillar kuchayadi, muhokamaga o‘qish darajalari unchalik yuqori bo‘lmagan o‘quvchilar ham qo‘shila boshlaydi, bolalar orasidagi o‘zaro hamkorlik kuchayadi va boshqalar»⁹⁴.
Yirik metodist olim A. Zunnunov ta’kidlaganiday: «Adabiyot o‘qituvchisi o‘zini o‘quvchilarga baxshida etishi, o‘zi bajarayotgan ishning xalq ma’naviy hayotidagi ahamiyatiini, har bir inson badiiy adabiyotsiz kamolotga erisha olmasligini o‘z o‘quvchilari ongiga, qalbiga singdirishi lozim. O‘qituvchilik kasbi har bir adabiyot o‘quvchisidan o‘zini doimiy suratda kamol toptirib, o‘zida badiiylikka moyillikni va ijodkorlikni o‘stirib borishni talab etadi. U egallagan kasb jamiyatdagi ijtimoiy tuzum, ideologiya va madaniy hayotga bog‘liq holda yangi ma’noga ega bo‘lib boradi»⁹⁵.
Adabiyot o‘qituvchisining asosiy kasbiy-pedagogik faoliyati qirralarini alohida o‘rgangan R. Keldiyorov bu soha egalarida badiiy ijrochilik mahoratining mavjudligiga alohida e’tibor qaratadi⁹⁶. «Badiiy ijrochilik o‘quvchiga hayot lavhalarida, adabiy asarning sirli manzaralarida go‘zallikni ko‘rsatishdan iborat. Bu borada har bir dars qayta takrorlanmaydigan o‘ziga xos ijodiy jarayon bo‘lib, o‘qituvchi uning muallifi, ijrochisi, rejissyori sifatida o‘z mahoratini namoyon etadi». Bu esa «o‘quvchilarning estetik zavqini oshiradi, ularning tafakkurini, his-tuyg‘ularini rivojlantiradi, ma’naviyatini shakllantiradi».