O‘zbek tili va adabiyoti fakulteti o‘zbek tili kafedrasi

ASSOTSIATSIYA – til birliklarining shakli va yoki mantiqiy-semantik belgisiga ko‘ra o‘zaro ta’siri.
ASSOSIATIV STRUKTURA – stimul-reaksiya juftligi.
BALLISTIK EKSPERTIZA – o‘qotar qurollari izlarini aniqlash yuzasidan olib boriladigan ekspertiza.
BILINGVIZM (IKKI TILLILIK) – ikki tilda erkin fikrlasha olish, ikki tilni bir xilda egallash.
BIXEVIORIZM (ingl. behavior ‘xulq, xatti-harakat’dan)ga ko‘ra, mahluqqa (bu odam yoki jonivor bo‘lishi mumkin va h.k.) ta’sir qiladigan qandaydir S (stimul) va ushbu stimulga qandaydir R (reaksiya) bor. Kishilar bir-birlari bilan amaliy (nutqsiz) va nutqli stimullar yordamida o‘zaro munosabatga kirishadi. Ular mazkur stimullarga ikki xil: nutqli va nutqsiz harakatlar bilan javob qaytarishadi: nutqsiz reaksiya S→R; nutq vositasidagi reaksiya S→ r ..... s → R.
BROKA MARKAZI – miyaning chap peshona pastki orqa burmasida joylashgan qism, harakat markazi.
DEKODLASH (decode) – nutqni tushunish.
DINAMIK AFAZIYA – bemorning so‘zning tovush tomonini farqlay olmasligi, ya’ni so‘zlarni talaffuz qila olmasligi.
DISKURS – verballashgan nutqiy, fikrlash faoliyati bo‘lib, u matnlar majmuyini namoyon etadi. Diskurs – bu hayotga o‘girilgan matn, kognitiv va kommunikativ funksiyalarni o‘z ichiga olgan, real madaniy kommunikativ vaziyatlarni qayd qilgan nutqiy asar. “Diskurs” termini 1970-yillarning boshlaridan dastlab “funksional stil” terminiga sinonim sifatida qo‘llanila boshlagan. Keyinchalik ingliz-sakson tilshunoslari Van Deyk va Kinchlar diskurs ostida faqat matnning mavjudligini emas, balki bu mavjud tizim ortida turgan, birinchi navbatda butun grammatikani tushunishni taklif qilishgan.
EKSPERTIZA – jinoyatni ochish jarayonida (sudgacha va sud jarayonida) gumondor shaxsni, vaziyatni, jinoyat sodir etilganda foydalanilgan vositani topish, gumon qilinayotga shaxsning psixologik holatini aniqlash, shuningdek, jarayonga taalluqli qo‘shimcha ma’lumot olish maqsadida maxsus bilim va tajribaga ega mutaxassisning kriminal tekshiruvi.