Ozbek-Tariyx-1-70-(каракалпак). indd

Ilim-pán tarawındaǵı túpkilikli reformalar
. 2016—2017-jıllar Ózbek-
stan ilim-páninde túpkilikli reformalar dáwiri boldı. Ózbekstan Res-
publikası Prezidenti Shavkat Mirziyoev 2016-jılı 30-dekabr kúni 
dáslepki ret elimizdiń jetekshi ilim-pán wákilleri menen ushırastı. 
Ushırasıw nátiyjelerine muwapıq, Ózbekstanda ilim-pánge itibar jáne 
de kúsheyttiriliwi belgilendi. Ilim-pán rawajlanıwınıń jańa basqıshı 
baslandı. Háreketler strategiyasında belgilengenindey, ilim, ilimiy izert-
lew, innovaciya jetiskenliklerin xoshametlew hám olardı ámeliyatqa 
engiziwdiń nátiyjeli mexanizmlerin jaratıw hám de qánigelesken 
laboratoriya, joqarı texnologiya orayları hám texnologiyalardı engiziw 
máseleleri ayrıqsha aytıp ótilgen. Mámleketimiz basshısı Sh.M. Mir-
ziyoevtiń 2017-jılı 17-fevralda qabıllaǵan «Ózbekstan Respublikası 
Ilimler akademiyası jumısın jetilistiriw hám xoshametlew haqqında»ǵı 
pármanı Ózbekstanda ilimniń rawajlanıwın házirgi zaman civilizaciyası 
talapları tiykarında shólkemlestiriw, atap aytqanda, elimizde engizilip 

---

84
atırǵan jedel rawajlanıwlar strategiyasınıń ilimiy tiykarların jaratıw 
hám óndiristi ilim tiykarında rawajlandırıw zárúrligin kórsetip berdi. 
Sonıń menen birge, Ilimler akademiyası xızmetin shólkemlestiriw, ilim 
ǵayratkerlerin hár tárepleme qollap-quwatlaw, joqarı bilimli, talantlı 
kadrlar tayarlaw sapasın arttırıw hám onı xoshametlew zárúrligin uqtırdı. 
Prezident Sh.M. Mirziyoev ilim ǵayratkerleri, mektep jaratqan ullı 
alımlar menen bolǵan ushırasıwda bir qatar áhmiyetli máselelerdi aytıp 
ótti. Prezidenttiń 2017-jılı 17-fevraldaǵı «Ilimler akademiyası xızmeti, 
ilimiy-izertlew jumısların shólkemlestiriw, basqarıw hám qarjılandırıwdı 
jáne de jetilistiriw ilajları haqqında»ǵı qararı tiykarında 9 ilimiy-
izertlew mákemesi Ilimler akademiyası quramına qaytarıldı, bir qatar 
ilimiy shólkemler qayta shólkemlestirildi, Ilimler akademiyasınıń ilim 
baǵdarları boyınsha 3 bólimi hám Nawayı bólimi shólkemlestirildi, 
Ózbekstannıń eń jańa tariyxı boyınsha Jámáátshilik keńesiniń xızmeti 
qayta jolǵa qoyıldı.
Ózbekstan Respublikası Prezidentiniń 2017-jılı tastıyıqlanǵan «Inno-
vaciyalıq rawajlanıw ministrligin shólkemlestiriw haqqında»ǵı qararı 
menen Ózbekstan Respublikası Innovaciyalıq rawajlanıw ministrligi 
shólkemlestirildi. Bul ministrliktiń mámleketlik hám jámiyet qurılısına, 
ekonomika tarmaqlarına, awıl xojalıǵına, sociallıq rawajlanıwǵa, 
qorshaǵan ortalıqtı qorǵaw hám tábiyattan paydalanıw sistemasına 
innovaciyalardı engiziw hám de aldınǵı texnologiyalar engiziliwinde 
baslamashılıq etiw, muwapıqlastırıw hám xoshametlew tarawındaǵı 
tiykarǵı wazıypalar belgilep berildi.
Ilimler akademiyası haqıyqıy aǵzalıǵına aqırǵı saylawlar 1995-
jılı ótkerilgen edi. Ótken jıllar dawamında akademiklerdiń sanı 
eki eseden kóbirekke qısqardı hám 2017-jılǵa kelip akademiyanıń 
tek ǵana 63 haqıyqıy aǵzası qalǵan edi. Ózbekstan Respublikası 
Prezidentiniń 2017-jılı 29-dekabrdegi «Ózbekstan Respublikası Ilimler 
akademiyasınıń haqıyqıy aǵzaların tastıyıqlaw haqqında»ǵı tariyxıy 
pármanı menen 22 jıllıq uzaq tánepisten keyin, Ilimler akademiya-
sınıń 32 jańa haqıyqıy aǵzaları tastıyıqlandı. Búgingi kúnde ilimiy 
izertlew menen shuǵıllanıwshı 400 mákeme dizimge alınǵan bolıp, 
ilim tarawında 36 mıń qánige, sonnan 2 mıńnan artıq ilim doktorı 
hám 9 mıńnan aslam ilim kandidatı xızmet alıp barmaqta.

---

85