Ozbek-Tariyx-1-70-(каракалпак). indd

Awǵanstanda tınıshlıq hám turaqlılıq ornatıw máselesi. 
1997-
jılı elimiz Birinshi Prezidenti I. Karimov Awǵanstan menen qońsı 6 
mámleket — Iran, Qıtay, Pakistan, Tájikstan, Túrkmenstan, Ózbekstan, 
sonday-aq, AQSh hám Rossiya mámleketleri qatnasıwında BMSh 
shafeligi astında awǵan mashqalasın sóylesiwler jolı menen sheshiwge 
qaratılǵan «6+2» ushırasıw toparın dúziw baslaması menen shıqtı. Usı 
baslamanı ámelge asırıw maqsetinde bir qatar siyasiy-diplomatiyalıq 
ilajlar kórildi. Ózbekstan AQSh hám Awǵanstanda usı elde dawam etip 
atırǵan qurallı soqlıǵısıwlardıń qatnasıwshıları menen arnawlı sóylesiwler 
Bunı oqıń
!
«Awǵanstan máselesi global kólemdegi máseleler orayında 
bolıwı lazım. Xalıqaralıq keń jámiyetshiliginiń umtılıwları, 
birinshi náwbette, Awǵanstandaǵı kúshli social-ekonomikalıq 
mashqalalardı sheshiwge qaratılıwı lazım. Awǵanstanda tınıshlıqqa 
erisiwdiń birden bir jolı — oraylıq húkimet hám mámleket ishindegi 
tiykarǵı siyasiy kúshler ortasında aldınnan heshqanday shárt 
qoymastan, tuwrıdan-tuwrı ushırasıw alıp barıw bolıp esaplanadı. 
Sóylesiwler awǵanstanlılardıń ózleri sheshiwshi orın tutatuǵın 
halda, Awǵanstan aymaǵında hám BMSh shafeliginde ótiwi lazım. 
Danıshpan awǵan xalqı óz taǵdirin ózi sheshiwge haqılı.
Sh. Mirziyoevtiń BMSh Bas Assambleyasınıń 72-sessiyasında
ǵ
ı sózinen

---

133
alıp barıldı hám 1999-jılǵa kelip, Ózbekstanda BMSh shafeliginde «6+2» 
ushırasıw toparınıń Awǵanstan mashqalasınıń sheshimine arnalǵan 
xalıqaralıq ánjumanın ótkeriwge erisildi. Tashkent qalasında bolıp ótken 
usı ilajda birinshi ret Awǵanstanda óz ara qarsılasıp atırǵan kúshler 
wákillerin ulıwma sóylesiwler ortalıǵına jámlewge muwapıq boldı. Bul 
ózbek diplomatiyasınıń áhmiyetli jeńislerinen biri edi.
Eń áhmiyetlisi, Ózbekstan óziniń usınıs hám ideyaların ámeliy isler 
menen bekkemlep bardı. Mısalı, elimiz Awǵanstanda avtomobil hám 
temir jollar, kópirler qurılısında belsendi qatnastı. Awǵanstan tariyxında 
eń birinshi zamanagóy temir jol Ózbekstan tárepinen «Termiz — 
Hayraton — Mozori Sharif» jónelisinde qurıp pitkerildi hám 2010-jılı 
iske túsirildi. Qońsı mámleket paytaxtı — Qabıl qalasın úzliksiz elektr 
energiyası menen támiyinley baslaǵan ellerden biri de usı Ózbekstan 
boldı
. 
Ózbekstan Respublikası Prezidenti Shavkat Mirziyoevtiń usınısına 
muwapıq, Awǵanstan Islam Respublikası Prezidenti Muhammed 
Ashraf Ǵani 2017-jılı 4-dekabrde rásmiy sapar menen elimizge keldi. 
Mámleketler ortasındaǵı túrli tarawlardaǵı birge islesiwdi jáne de 
bekkemlewge qaratılǵan 16 hújjet tastıyıqlandı.
Este saqlań
!
Ózbekstan hám Awǵanstan ortasında diplomatiyalıq baylanıslar 
1992-jılı 13-oktyabrde ornatılǵan. Eki tárepleme birge islesiw 
2016-jılǵa kelip izshil rawajlana basladı. 2017-jılı yanvarda 
Ózbekstan Respublikası Prezidentiniń Awǵanstan boyınsha arnawlı 
wákili tayınlanǵanı elimizdiń eki tárepleme qatnasıqlarında 
ayrıqsha áhmiyetke iye boldı.