Ozbek-Tariyx-1-70-(каракалпак). indd

Olimpiada
. 1993-jıldıń sentyabrinde Xalıqaralıq Olimpiya Komite-
tiniń 101-sessiyasında Ózbekstan Respublikası Milliy Olimpiya Komi-
teti tolıq tán alındı. Komitet usı búgingi kúnge shekem xalıqaralıq 
sport hám olimpiya háreketiniń rawajlanıwına járdem berip kelmekte. 
Ol Ózbekstanda olimpiya ideyaların úgit-násiyatlaw, Olimpiya 
oyınlarında respublika wákilleriniń qatnasıwın támiyinlew, jáhán 
sportshıları menen doslıq baylanıslar ornatıw hám rawajlandırıw 
wazıypaları menen shuǵıllanbaqta.
1996-jılı yanvarda Xalıqaralıq Olimpiya Komitetiniń qararına mu-
wapıq, jáhán sportın rawajlandırıwdaǵı xızmetleri hám olimpiya 
ideyalarına sadıqlıǵı ushın Ózbekstan Respublikasınıń Birinshi 
Prezidenti Islam Karimov Olimpiya Altın ordeni menen sıylıqlandı.
Tashkentte 1996-jılı avgustta Olimpiya dańq muzeyi shólkemlestirildi. 
2000—2016-jıllar aralıǵındaǵı jazǵı Olimpiya hám Aziya oyınlarında 
elimiz sportshıları jetiskenlik penen qatnastı. A. Taymazov, M. Ibra-
gimov (erkin gúres), A. Doktorashvili (grek-rim gúresi), R. Sobirov 
(dzyodo), U. Haydarov, A. Atoyev, B. Sultanov (boks), A. Fokin (sport 
gimnastikası), Ekaterina Xilko (gimnastika) sıyaqlı sportshılarımız elimiz 
sportı dańqınıń xalıqaralıq maydanda jáne de artıwına óz úleslerin qostı. 
Atap aytqanda, erkin gúresshi Artur Taymazov birneshe ret Olimpiya 
chempionı ataǵına sazawar bolǵan birden-bir sportshı boldı.
2016-jılǵı Rio-de-Janeyro qalasın-
da (Braziliya) bolıp ótken XXXI jazǵı 
Olimpiada elimiz tariyxındaǵı eń 
nátiyjeli jarıs boldı. Usı Olimpiadada 
eń kóp medaldı boksshılarımız qolǵa 
kirgizdi. Boksshılarımızdan 7 sportshı 
Riodan medal menen qaytıwǵa muwa-
pıq boldı. Olar Hasanbay Dustmatov, 
2016-jıl
ǵ
ı Olimpiada jeńimpazları
Este saqlań
!
2003-jılı Aziya Olimpiya kenesiniń Kuveytte ótken XXII Bas 
Assambleyasında milliy gúres Aziya oyınları ba
ǵ
darlamasına kir-
gizildi.

---

89
Shahobiddin Zoirov, Fazliddin Ǵoyibnazarov (altın), Shahram Ǵiyo-
sov, Bektemir Meliqoziev (gúmis), Rustam Tulaganov, Muradjan 
Ahmadaliev (bronza). Usı nátiyje Olimpiadadaǵı boks jarıslarındaǵı 
eń joqarı nátiyje boldı. Sporttıń usı túrinde medal alıw boyınsha olar 
Kuba, Qazaqstan hám Rossiyadan kelgen qarsılasların artta qaldırıp, 
usı sport túrinde birinshilikke eristi. Awır atletikashımız Ruslan Nurid-
dinov Olimpiada rekordın kórsetken halda altın medal iyesine aylandı.
Futbol
. Ǵárezsizlik jıllarında sporttıń eń tarqalǵan túri—
futbolǵa itibar mámleketlik siyasat dárejesine kóterildi. Ministrler 
Kabineti Ózbekstanda ǵalabalıq hám professional futboldı jáne de 
rawajlandırıw, onıń materiallıq bazasın bekkemlew, futbolshılardıń jańa 
áwladın tayarlaw hám tárbiyalaw, Watanımız futbolınıń xalıqaralıq 
abıroyın arttırıw maqsetinde 1993-jılı «Ózbekstanda futboldı jáne de 
rawajlandırıw ilajları haqqında»ǵı, 1996-jılı «Ózbekstan Respublikasında 
futboldı rawajlandırıwdıń shólkemlestiriwshilik tiykarları hám prin-
ciplerin túp-tiykarınan jetilistiriw ilajları haqqında»ǵı, 2006-jılı 
«Ózbekstanda futboldı rawajlandırıwǵa 
tiyisli qosımsha ilajlar haqqında»ǵı 
Ózbekstan Respublikası Prezidentiniń 
qararları úlken áhmiyetke iye boldı.
Dúnyaǵa Ózbekstan sportshılarınıń 
potencialı hám qúdiretin kórsetetu-
ǵın ózbek tóreshisi Ravshan Erma-
tov Ózbekstan futbol federaciyasınıń 
xalıqaralıq taypadaǵı tóreshi dárejesin 
hám 2003-jıldan FIFA tóreshisi 
statusın alǵan. Ol 2008, 2009, 2010, 
2011 hám 2014-jılları bes mártebe