O‘zbek punktuatsiyasi va uslubiyati dars rejasi

Farqlovchi (differensial) asos

• Bu tamoyilga ko‘ra tinish belgi-lari yozuv texnikasi (shakli)ni farqlash uchun qo‘llanadi. Boshqacha aytganda, tinish belgilarining yozuv shakllariga bog‘liq holda odatda-gidan farqli ishlatilishi farqlovchi tamoyil asosida yuz beradi. Ilmiy uslubda, jumla ichida so‘zlarni qisqartirishda iqtibos – sitatalarning manbaini ko‘rsatishda, havolalarda, kitob muqovalarida nashriyot nomi va nashr vaqtini ko‘rsatishda tinish belgilari mazkur tamoyilga asosan ishlatiladi. Masalan, kitob muqovasida tire
• (Toshkent – 2011 kabi), havolalarda vergul
• (g‘afur g‘ulom, Tanlangan asarlar, Toshkent, 1985 kabi) qo‘yiladi.

Ba'zan muallif va uning asari, matbuot nomlari qisqartirilib, unda tinish belgisidan foydalaniladi: Navoiy – N.; Oybek – O.; Abdulla Qahhor – A.Q.
Ko‘p hollarda farmon va qarorlarda tire har bir gap oldidan qo‘yilib, numerativlik vazifasini ham bajaradi, bunda ham farqlovchi tamoyilga asoslaniladi.

NUQTA VA UNING QO‘LLANISH O‘RINLARI

• 1. Tuzilishidan qat'i nazar, tinch ohang, oxiri pasayuvchi, so‘nuvchi intonatsiya bilan aytiladigan gaplar (darak gap)ning oxiriga nuqta qo‘yi-ladi. Bunday ohang "nuqta" ohangi deb yuritiladi: Tong shabadasi g‘ir-g‘ir esa boshladi. (O.) Erta bahor. Daraxtlar uyg‘ona boshlagan. (U.)
• 2. Orzu-istak, iltimos, maslahat ko‘rinishidagi buyruq gaplarning oxiriga nuqta qo‘yiladi: Jonajon vatan, mehring men qalbimga jo etsam. (Kamtar)
• 3. Remarka ko‘rinishidagi gaplar oxiriga nuqta qo‘yiladi: Shohista. (asta) Hamdam aka, Hamdam (aylanib orqasiga qaraydi va Shohistani ko‘radi.). Shuningdek, davomi bor. boshi 3-sonda. tipidagi iboralarning oxiriga ham nuqta qo‘yiladi.
• 4. Numerativlar bilan sanab ko‘rsatilgan gaplarning oxiriga ham nuqta qo‘yiladi: Jamoat ishlarida faol ishtirok etgan quyidagi talabalar mukofotga taqdim etilsin:

1. Mo‘minov Abbosbek – o‘zbek filologiya yo‘nalishining 3- kurs talabasi.