O‘za toʻy baxtli kunlarimiz asosi boʻlsin, aslo gʻurbatimiz emas

2 353

OʻzA

Dabdabali  toʻy  oʻtkazishga,  qizimizni  kuyov  xonadoniga  behisob  mol-mulk  bilan  kuzatishga  majbur

qilishimiz tufayli oilamiz ustuni hisoblangan umr yoʻldoshimizning bemavrid kasal boʻlishi, tashvishlardan

toliqib ketishiga sababchi boʻlmaylik.

Farzandlarimiz  baxti,  saodatini  oʻzimiz  oʻylab  topgan  sarpolaru,  togʻoralarimiz,  nosogʻlom  orzu-

havaslarimiz  yoʻliga  qurbon  qilmaylik.  Oilalardagi  oʻzaro  tushunmovchiliklar,  arzimas  ikir-chikirlardan

boshlanib, oxiri ajrim bilan tugab, norasida goʻdaklar peshonasiga “tirik yetim” tamgʻasini tushirayotgan

katta janjalli nizolarga bosh sababchi boʻlib qolishni toʻxtataylik.

Qimmatbaho  mebel,  oz  fursat  oʻtmay  urfdan  qoladigan  sarpolar,  havoga  sovurilgan  pullar  bilan

farzandimizga  ehtimol  vaqtinchalik,  omonat  taxt  qurib  berarmiz,  ammo  bu  bemaʼni  orzu-havaslarimiz

farzandlarimizning  baxti  yashashlariga  kafolat  boʻla  olmasligini  avvalo  oʻzimiz  anglab,  oʻzgalarga  ham

toʻgʻri tushuntira bilaylik.

Jamiyatda  keng  koʻlamli  islohotlar,  modernizatsiya  jarayonlari  ketayaptimi,  toʻylarni  ham  yangilash,

zamonga muvofiqlashtirish – uni qisqa muddatli oʻziga xos bayram tarzida nishonlash, anʼanaviy zerikarli

irim-sirimlar,  andozalardan  chiqib,  yangicha  zamonaviy,  ixcham  tus  berish,  sarflanadigan  ortiqcha

mablagʻlarni tejab, yoshlarning kelajagiga, Vatan ravnaqiga yoʻnaltirish vaqti keldi.

Keling,  ushbu  islohotlarni  amalga  oshirishda  bosh  ijrochi  boʻlaylik.  Milliy  madaniyatimizning  bir  boʻlagi

boʻlgan toʻylarimizni zamonaviylashtirib, azaldan maʼnaviyati, iymon-eʼtiqodi yetuk, yurt va millat ravnaqi

uchun  munosib  hissa  qoʻshgan  ajdodlarga  voris  ekanimizni  yana  bir  bor  isbot  qilaylik.  Bu  yoʻlda  qoʻni-

qoʻshnilarimiz, kasbdoshlarimiz, jamoadoshlarimiz, mahalla-koʻyga ibrat boʻlaylik.

Nikohdek  muqaddas  rishtaning  bogʻlanishi,  oila  atalmish  halovat  qoʻrgʻonining  barpo  etilishi  aynan  toʻy

orqali amalga oshirilar ekan, bu tadbir ikki yosh uchun faqat va faqat baxt hamda saodat manziliga kalit

boʻlib xizmat qilsin!

S.BOYMIRZAYEVA,

filologiya fanlari doktori,

B.BAHRIDDINOVA,

filologiya fanlari nomzodi.