O’UM2020-Biznes rejalashtirish O. A. Amanov O’zbekiston respublikasi oliy va o’rta maxsus ta’lim vazirligi qarshi muhandislik iqtisodiyot instituti

Muallif - O.A.Amanov 
 
kapital  qo’yilmalarga  qo’yiladigan  cheklanishlar  va  mukofotlar  tizimi  haqida 
ma’lumot beradi.  
E)  Direktorlar  kengashi.  Bu  o’rinda  korxonaning  direktorlar  kengashi 
strukturasi  va  soni  haqidagi  qarori,  uning  a’zolarining  tarkibi  va  korxonaga 
keltiradigan nafi haqida ma’lumot beriladi.  
J)  Boshqa  aksiyadorlar.  Boshqa  aksiyadorlar  (boshqaruv  komandasidan 
tashqari)  tarkibi,  ularning  huquq  va  majburiyatlari,  yozma  ravishdagi  kafolatlari 
sanab o’tiladi.  
3. Professional maslahatchilar va xizmatchilar. 
Barcha  korxonalar  (firmalar)  katta  kichikligidan  qat’iy  nazar  buxgalter, 
huquqshunos,  banklar,  sug’urta  agenti  yoki  broker  xizmatidan  foydalanadi.  Shu 
sababdan  ushbu  bo’limda  auditorlik  xizmati,  reklama,  huquq,  bank  operatsiyalari 
bo’yicha  yollanadigan  mutaxassislarning  nomlari  va  ishlaydigan tashkilotlarni sanab 
o’tish lozim.  
Kichik  korxona  va  firmalarning  muvaffaqiyatsizlikka  uchrashiga  olib 
keladigan  omillar  tahlil  qilinganda  shu  narsa  aniklandiki,  98  %  muvaffaqiyatsizlik 
noto’g’ri boshqaruv natijasida va 2 % ularga bog’liq bo’lmagan sabablarga ko’ra ro’y 
berar  ekan.  Ushbu  bo’limni  tuzishda  ana  shu  sharoitni  albatta  e’tiborga  olish  lozim. 
Bankrotlikning keng tarqalgan sabablaridan quyidagilarni ajratib ko’rsatish lozim: 
1.Boshqaruv bilimining yetishmasligi – 45 % 
2.Ushbu turdagi mahsulotni ishlab chiqarishdagi tajribaning yetishmasligi–9 % 
3.Boshqaruv tajribasining yetishmasligi – 18 % 
4.Tor mutaxassislik – 20 % 
5.Zimmasiga olingan majburiyatlarning bajarilmasligi – 3 % 
6.Aldash – 2 % 
7.Baxtsiz hodisa – 1 % 
Jami – 98 % 
Xodimlarni  boshqarish  juda  murakkab  jarayon  hisoblanib,  hammaning  ham 
qo’lidan  kelavermaydi.  Shu  sababdan  boshqarish  tizimini  yo’lga  qo’yish,  kadrlarni 
yollash,  tayyorlashni  tashkil  etish,  xodimlarni  boshqarish  usullarini  o’rgatishga 
yordam  beruvchi  mutaxassisni  yollash  maqsadga  muvofiqdir.  Bu  yuzaki  qaraganda 
qimmatga  tushadigan  istakka  o’xshaydi.  Lekin  chuqurroq  tahlil  qilinganda, 
xodimlarni  noto’g’ri  tanlash  natijasida  yuzaga  keluvchi  xarajatlar  bundan  ham  ortiq 
bo’lishi  mumkin.  Shu  sababdan  xodimlarni  boshqarish  chuqur  rejalashtirishga 
muhtojdir, bu yerda quyidagi savollarga javob berish talab etiladi: 
Yaqin kelgusida, ya’ni 5 yil davomida: 
1) Qancha xodimlar talab etiladi? 
2) Qancha mutaxassis zarur? 
3) Shu mutaxassislarga egamisiz? 
4) Ular ishga qanday shartlar asosida qabul qilinadilar (doimiy yoki vaqtincha) 
5) Ularning mehnati qanday taqdirlanadi – qat’iy maosh yoki soatbay to’lov 
6) Qanday qo’shimcha to’lovlarni ko’zda tutasiz? 
7) Ishdan tashqari ishlagan vaqt uchun qo’shimcha to’lovlar ko’zda tutiladimi? 
8) Kadrlarni tayyorlash bilan shug’ullanasizmi? Bu qancha turadi? 

---