Otqinli zaryadlarni portlatishda zaharli gazlarni ta’siri bo‘yicha xavfsiz masofalarni aniqlash

YAlpi (yoppa) portlatishda hosil bo‘ladigan zaharli gazlarga nisbatan xavfsizlik choralari bo‘yicha yo‘riqnoma

I. Erosti inshootlarida

1. Portlatishga oid loyihaga yoppasiga portlatishni loyihalashda xavfsizlikni zaruriy choralarini, shu jumladan portlatishning gazsimon mahsuloti kelishi mumkin bo‘lgan barcha inshootlar shamollatishni, xavfli joyga odamlar borishi uchun ruxsat berish tartibini ko‘zda tutuvchi bo‘lim kiritilishi zarur.

2. Portlatishgacha shaxtani (konni) shamollatish bo‘yicha nazorati HKQQ bilan birgalikda shamollatishning ishonchliligini qabul qilingan shamollatish sxemasi bo‘yicha tekshirishi shart.

3. HKQQ komandiri shaxta rahbari bilan birgalikda zarur hollarda, portlatishdan keyin HKQQ kuchlari bilan elektrqurilma, suv ketgizish va shamollatish qurilmalari, hamda boshqa ob’ektlarga xizmat ko‘rsatish rejasini tuzishlari kerak.

4. Bosh shamollatgich binosida yuzada yoppasiga portlatishdan keyingi shamollatish paytida HKQQ postlarini qo‘yish zarur.

Postni vazifasiga quyidagilar kiradi:

shamollatgich diffuzorida (u surishga ishlayotgan paytda) zaharli mahsuloti miqdorini nazoratlash;

binoga gaz yorib kirgan bo‘lsa shamollatigichga xizmat ko‘rsatish.

5. YOppasiga portlatishdan so‘ng shaxtaga HKQQni tushirishga, portlatishdan so‘ng kamida 1 soatdan keyin, shu jumladan portlatish hududidagi inshootlarga kamida 2 soatdan keyin ruxsat etilishi mumkin.

YOppasiga portlatishni bajarishda selik yoki to‘sinlar (gumbazlar) qulashiga ko‘ra shaxtaga HKQQni tushirishga, portlatishdan so‘ng kamida 2 soatdan keyin, shu jumladan portlatish hududidagi inshootlarga kamida 4 soatdan keyin ruxsat etilishi mumkin.

6. HKQQ quyidagi ishlarni bajaradi:

yoppasiga portlatish tartibida ko‘rsatilgan inshootlarni ko‘rib chiqadi;

zaruriy shamollatish qurilmalarini ulaydi va inshootlar to‘liq shamollatilganga qadar ularga xizmat ko‘rsatadi;

kon atmosferasining gazlanganini nazorat qiladi;

shamollatishqurilmasining holatini tekshiradi, ularni (zarur bo‘lsa) ta’mirlaydi, shuningdek vazifa bilan ko‘zda tutilgan boshqa ishlarni bajaradi.

7. Erosti inshootlariga (portlatish hududidan tashqari) shaxta xodimlarini borishiga, faqat inshootlar holati HKQQ tomonidan tekshirilganidan va me’yoriy kon atmosferasi tiklanganidan keyin ruxsat etiladi.

8. Xuddi shunday portlatish hududiga shaxta xodimlarini borishga, faqatme’yoriy kon atmosferasi tiklangani, inshootlar xavfsiz holatga keltirilgani,ammo kamida 8 soatdan keyin ruxsat etiladi.