Открытое акционерное общество "Farg'onaazot"

IV. ТАЙЁРГАРЛИК ИШЛАРИ.

55. 
    Объектни газга хавфли ишларга тайёрлаш, тайёргарлик ишларига жавобгар шахс назорати остида цех (участка, бўлим, хизмат) ишчилари томонидан амалга оширилади.
    
56. 
    Объектни (қурилма, аппарат ва бошқалар) газга хавфли ишларга тайёрлаш учун барча тайёргарлик ишлари наряд-рухсатнома ва тегишли йўриқномаларда кўзда тутилганидек бажарилиши керак. Шу билан бирга, учқун чиқишини олдини олиш, қувурлар орқали келадиган портлашга хавфли, зарарли моддаларни киришини тўхтатиш ва босимни камайтириш орқали, газга хавфли ишларнинг хавфлилик даражасини камайтириш чоралари кўрилиши керак.
    
57. 
    Портлашга хавфли ва зарарли маҳсулотлар чиқиши эҳтимоли бўлган газга хавфли ишлар олиб бориладиган жой белгиланган (тўсилган) бўлиши керак, агар керак бўлса, хавфли ҳудудда рухсатномасиз бегона шахслар бўлишига йўл қўймаслик учун постлар ўрнатилади.
    
58. 
    Ҳаракатланувчи механизмларнинг электр жиҳозлари қувват манбаидан кўринадиган бўшлиқ билан узилиши керак. Аппаратни ишга тушириш мосламаси ёнига “Ёқманг-одамлар ишлаяпди” плакати жойлаштирилади ва иш оҳирида газга хавфли ишларни олиб борувчи жавобгар шахснинг кўрсатмаси бўйича олиб ташланади.
    
59. 
    Газга хавфли ишларни бошлашдан олдин тайёргарлик тадбирларининг сифатини баҳолаш учун ҳаво муҳитининг кислород миқдори, шунингдек зарарли, портлашга ва ёнғинга хавфли моддалар бўйича анатилик ёки автоматик тахлили ўтказилади ва натижаси наряд-рухсатномага қайд этилади. Намуналар энг ёмон шамоллатиладиган жойлардан олиниши керак.
    
60. 
    Газга хавфли ишларни бажаришга тайёргарлик пайтида бажарувчиларнинг хавфсизлигини таъминлаш учун шахсий ҳимоя воситалар, асбоб-ускуналар, мосламалар ва бошқа хавфсизлик воситаларининг мавжудлиги ва яроқлилиги текширилади. Бажарувчиларга йўл-йўриқ берилиб, уларнинг шахсий ҳимоя воситаларидан фойдаланиш қобилятлари, хавфсиз ишлаш техникаси ва жабрланганларга биринчи тиббий ёрдам кўрсатиш усулларини билиши текширилиб, наряд-рухсатноманинг 11-бандига қайд қилинади.