O’tkir kechadigan yuqumli kasallik bo’lib, neyrotrop virus qo’zg’atadi. Markaziy nerv sistemasining og’ir shikastlanishi bilan o’tadi. Tarixiy ma’lumot

Prodromal bosqichda kasal hayvonning xulqi o’zgaradi. 12 soatda 4 kungacha cho’ziladi. It homush ko’rinadi, qorong’iroq joyga o’zini tortib, egasi chaqirsa ham kelmaydi. Ba’zan juda serharakat bo’lib, egasi bilan uynashishni xush ko’radi. Uning og’zi va qo’llarini yalayveradi (bu paytda so’lakda virus bo’ladi, u juda ham xavfli). Bunday it keyinchalik juda notinch bo’lib qoladi, u yoqdan bu yoqqa qarab chopadi, har qanday shovqin surondan hadiksirab qo’rqib tushadi. Ishtaha buzilib, odatdagi ovqatlarni yemasdan, ochko’zlik bilan yerni tirnab, tuproqni tishlay boshlaydi, o’z axlati, to’shamasi, yog’och yoki temir bo’lakchalarini ham yeyishi mumkin. Ba’zan qattiq qizishish tufayli o’sha joyini tishlab, o’zib olishi mumki. Tomoq muskullari falajlanishi natijasida yutish yoki yutinish, so’lak ajralishi qiyinlashadi, kasal it qusishi mumkin. Uning tovushi o’zgarib, ko’proq uvillaydi.