O’tibdo’ Sana 09 «Ona tili» 7-sinflar uchun 6-Sinfda o'tilganlarni takrorlash

Har so‘zi so‘roq olmoshlariga, bir so‘ziga qo‘shilib to‘pdan ajratilgan shaxs, narsa, belgilarni bildiradigan belgilash olmoshlarini hosil qiladi.
Hamma, barcha, bari, butun olmoshlari esa shaxs, narsa, belgi, harakatlarni jamlab ifodalaydi.
Demak, to‘pdan ajratilgan yoki jamlab ko‘rsatilgan shaxs, narsa, belgi, harakat-holatlarni ifodalaydigan olmoshlar belgilash olmoshlari sanaladi.


67-mashq. Ko‘chiring. Belgilash olmoshlarini toping. Mashqda yana qaysi olmoshlar qo‘llangan.
1. Agar u guzardan hassasini do‘qillatib o‘tib qolsa, hamma barobar qalqib, to o‘tib ketguncha ta'zimda turardi. (Said Ahmad) 2. Har bir bekning navkarlari o‘zlariga qarashli yuklarni tuya qo‘shilgan og‘ir aravalarga ortib kelmoqda edilar. (P. Qodirov) 3. Biznikiga mehmon keldi, Hammasining qoshi qora. (Topishmoq) (loviya) 4. Hamma nopok, hamma egri, yolg‘iz siz to‘g‘ri. (O. Yoqubov) 5. Aybdor o‘zi har bir savolga bergan javobi bilan jinoyatini iqror qildi. (Cho‘lpon) 6. Bu gapning butun dahshati shu topda bilindi. (Said Ahmad)


68-mashq. O‘qing. Belgilash olmoshlarini toping.
1.O‘g‘limning har bir holidan xabar olib turish sening vazifangdir. (A. Qodiriy) 2. Hamma perronda. Hamma o‘z jigarini qidiradi. (Said Ahmad) 3. Barcha shodlik senga bo’lsin, bor sitam, zorlik menga. Barcha dildorlik senga-yu, barcha xushtorlik menga. (E. Vohidov) 4. Har kim o'z quvonch ham orzularini bildirib turarkan, Majdiddin, Nizomulmulk, Amir Mo‘g‘ul va bir ko‘p beklar, a'yonlar kirishdi. (Oybek) 5. Dildorning bari gaplari haqiqat edi. (Said Ahmad)


IV. Yangi mavzuni mustahkamlash: Og’zaki savol-javob.
V. Uyga vazifa.
VI. Dars yakuni. Baholarni tahlil qilish.
O’quv-tarbiya ishlari bo’yicha
direktor o’rinbosari: ________________________-