O’t o’chirish vositalari va usullari

Avtomatik o’t o’chirish vositalari. Avtomatik o’t o’chirish tizimiga sprinkler qurilmalari kiradi. Ular asosan, yong’in xavfi yuqori bo’lgan sanoat korxonalarida o’rnatiladi. Sprinkler qurilmalari joylashtirilgan xonalarga bosim ostida suv o’tkazuvchi quvurlar va bu quvurlarga sprinkler qalpog’i o’rnatiladi. Yong’in sodir bo’lsa, issiqlik ta’sirida sprinkler ishga tushadi, ya’ni suv chiqish tirqishi ochilib suv sepa boshlaydi. Suv chiqarish teshigidan ma’lum masofaga o’rnatilgan doira shaklidagi to’siq suvning keng ko’lamda sachrashini ta’minlaydi. Har bir sprinkler boshchasi 6-12m.kv. maydonga suv sachratib, o’t o’chirishni ta’minlaydi. Bunday qurilmalar o’rnatilgan korxonalarda sodir bo’lgan yong’inlarning 90% o’t o’chirish komandalari kelgunga qadar o’chirilishi mumkin.

Sprinkler qurilmalari bilan bir qatorda drencher qurilmalari ham mavjud. Bu qurilmalarning sprinkler qurilmalaridan farqi unda engil eruvchan qulfli qurilma joylashtirilmaydi. Ularni ishlatish, asosan, suv o’tkazish kranlarini ochish yo’li bilan amalga oshiriladi.

Mavzuni mustahkamlash yuzasidan savollar:

1.Yong’in xavfsizligi to’g’risida tushuncha bering? 2.Yong’inga qarshi kurashish usullarini sanab bering? 3.O’t o’chirish vositalaridan nimalarni bilasiz? 4.Gidrant-nima? 5.Havo ko’pikli o’t o’chirgichlarni turini ko’rsating? 6.Yong’in va tutundan signal beruvchi qurilmalar qaerlarga o’rnatiladi?