Oson deb o’ylamang erkak zotiga, Bir umr mung'ayib o’tishi mumkin

Oson deb o’ylamang ERKAK zotiga,

Bir umr mung'ayib o’tishi mumkin.

Nogahon minsa u g’azab otiga,

Shaytonni bo’g'zidan tutishi mumkin.

Azaldan podshoga berilmas buyruq,

Erkakni erkidan bo’ling ehtiyot.

Ehtimol ayolday 40 ta joni yo’q,

Lek sabri sanalsa 40 mingdan ziyod.

Oson tutmang sira Erkak eliga

Umri shamoldayin hayoldan tezroq.

Yuzga ajin tushar, aso beliga

Sochlari oqargay ayoldan tezroq.

Erkak muhabbati manguga dohil

Havoning xilqati xosdir odamga

Balki ertak erur Farhod-u Tohir

Hudo ishq solgani rostdir odamga

Eh biz ojizalar, haqiqat qani,

Deymiz, mehr sizga bizdan yuqqan,

deb

Unutib gohida chap qovurg’ani

Aytamiz ERKAKni ayol tuqqan, deb.
Biz ona, biz singil, gulgun yanoqmiz

Chiroyimiz chandon oy bisotidan

Ehtimol podsholar chiqqan sanoqsiz

Payg'ambar chiqmagan ayol zotidan.

Ermak qilmang sira erkak qalbini,

Ko’nglidayin ko’rkam bog’ yo’q siz

uchun.

Kezing yetti dunyo, qir-u adirni

Uning yelkasiday tog’ yo’q siz uchun.
Bemehr atamang yuzlar so’z demas

Mehrini 40 mingta sabridan izlang

Uning kulgularin labidan emas

Yuragidan izlang, qalbidan izlang.

Tilsa faqatgina bag’rin tilar u

Lek jafo jaxtida tig'lay olmaydi

Azob uqubatni, dardni bilar u

Faqat sizga o’xshab yig'lay olmaydi.

Oson tutmang sira erkak ahliga

Siz suygandan ziyod suyib yashaydi.

fido aylang jonni g’azab-jahliga,

Kulib kulib dardin yutib yashaydi

OSON TUTMANG SIRA ERKAK ZOTIGA
14-Yanvar Vatan himoyachilari kuni bilan tabriklaymiz...