Основные понятия об измерениях и измерительных приборах

Капилляр вискозиметрлар
Бу вискозиметрларнинг ишлаши суюқликларнинг капилляр трубкалардан оқиш қонунига (Пуазейл қонуни) асосланган.

Бу ерда, - трубкадан оқиб ўтаётган суюқлик сарфи;
d - трубка диаметри, L – капилляр узунлиги;
µ - суюқликнинг динамик қовушқоқлиги;
g – эркин тушиш тезланиши; k – ўзгармас коэффициент;
ΔP – трубканинг боши ва охиридаги босимлар фарқи.

Тенгламадан кўриниб турибдики G, k, d, L, g ларнинг ўзгармас қийматларида µ = k₁ ΔP бўлади, яъни, капилляр трубканинг ўзгармас диаметри ва узунлигида, ўлчанаётган маҳсулот қовушқоқлиги ўзгаришига пропорционал равишда капилляр трубкадаги босимлар фарқи (ΔP) ўзгаради.

Расм 159.
Синхрон электр юритма ёрдамида шестеренкали насос 1 ишлатилиб, қовушқоқлиги ўлчанаётган суюқлик ўзгармас сарф билан, капилляр 4 билан тугайдиган напор трубка 2 га берилади (расм 159). Напор трубка 2, шкаласи қовушқоқликда градуировкаланган манометр (дифманометр) 3 билан уланган. Суюқлик қовушқоқлиги ўзгариши билан напор трубкадаги босим ўзгаради ва у манометр 3 (дифманометр) ёрдамида ўлчанади. Капиллярнинг узунлиги ва диаметри суюқлик қовушқоқлигининг ўлчаш диапазонига қараб танланади (0,001÷10 Па.с). Ўлчов асбоби хатолиги ±2%.
Температуранинг рухсат этилган ўзгариши ± 1⁰С.


Автоматик капилляр вискозиметри

Расм 160.
1- капилляр трубка; 2-дифмонометр; 3-шестеренкали насос; 4-синхрон электр юритма; 5-редуктор; 6-ёғли термостат.
Технологик оқимдан ўлчанилаётган суюқлик намунаси шестеренкали насос ёрдамида ажратиб олинади (расм 160). Капилляр трубка 1 дан ўтаётган ўлчанилаётган суюқлик сарфи ва температурасининг ўзгармаслиги сабабли капилляр трубка боши ва охиридаги босимлар фарқи фақат қовушқоқлик ўзгаришига боғлиқ бўлади.
Бу вискозиметрда олдинги вискозиметрга ўхшаб капилляр трубкага кираверишдаги напор эмас, балки, капилляр трубканинг боши ва охиридаги босимлар фарқи ўлчанади. Шунинг учун ўлчаш аниқлиги ортади.