Основные понятия об измерениях и измерительных приборах

Кондуктометрик концентратомерларнинг ўлчаш схемалари
Бу асбобларда электр ўтказувчанлигини ўлчаш учун электрод ўлчаш ячейкаси қаршилигини ўлчаш керак бўлади. Шунинг учун кондуктометрик концентратомерларда маълум бўлган ҳамма қаршиликни ўлчаш усулларидан фойдаланиш мумкин.
Биринчи таклиф қилинган кондуктометрик концентратомерларда ўлчов асбоблари сифатида лагометрлар ишлатилган эди, кейинчалик уларнинг ўрнига ўлчаш кўприк схемалари таклиф қилинди.
Концентратомернинг номувозанат кўприкдан ташкил топган содда схемаси қуйидаги кўринишга эга (расм 131):

Расм 131.
R₁, R₂, R₃ – ўзгармас қаршиликлар;
R_х– ўлчаш ячейкаси қаршилиги.
Эритма концентрацияси ўзгариши билан, кўприк диоганалидан ўтаётган ток бу ўзгаришга пропорционал равишда ўзгаради ва у милливольтметр ёрдамида ўлчанади. Бунда, эритма концентрациясини ўлчаш аниқлиги, кўприкга берилаётган манбаа кучланишига ва милливольтметрнинг ўлчаш аниқлигига боғлиқ бўлади.
Шунинг учун, замонавий кондуктометрик концентратомерларда мувозанатланган кўприк схемаларидан фойдаланилади (расм 132).
Эритма концентрацияси ўзгариши билан ячейка қаршилиги R_х ўзгаради ва кўприк схемаси мувозанатдан чиқади. Ўлчаш диоганали кучланиши электрон кучайтиргич ЭУ га берилиб, реверсив юритгич РД роторини айлантиришга етарли даражада кучайтирилади. Ротор кинематик равишда реахорд сургичи билан боғланган. У реахорд R_р сургичини кўприк схема мувозанатга келгунча суради, ҳамда, ўлчов асбоби ўлчаш қурилмаси стрелкасини буриб, ўлчанаётган параметр қийматини кўрсатади.

Расм 132.
Бундай кўприк схемалар актив қаршиликларни ўлчашга мўлжалланган. Ўлчаш ячейкаси қаршилиги комплекс катталик бўлиб, унда реактив қаршилик ҳам мавжуд бўлади. Унинг ўлчашдаги таъсирини йўқотиш учун, кўприк схеманинг ёндош елкасига, қаршиликга параллел равишда конденсатор С уланади. Конденсатор сиғимининг қиймати, ўлчов асбобини созлашда, экспериментал равишда аниқланади.