O’smirlarda suisidal holatlar va ularni diagnostikasi

Suitsidal  xulq-atvorga  moyil  odamlar  bilan  ijtimoiy-psixologik  ishlarni 

tashkil qilish 

Suitsidologik  yordam  tashkil  qilish  –  bu  tizim  davolash-profilaktika 

choralari bo’lib, maxsus yordam ko’rsatishga yo’llangan suitsidal (autoagressiv) ga 

moyil  odamlarga  ko’rsatiladi.  Mazkur  jarayon  quyidagi  bosqichlarni  o’z  ichiga 

oladi: 

-birinchi  yordam:  shifokorgacha  (hamma  odamlar  yordam  ko’rsatishi 

mumkin) yoki birinchi shifokorlik yordami bo’lib, suitsidga qo’l urgan suitsidentga 

somatik  asoratlarda  amalga  oshiriladi;  hamma  sohadagi  shifokorlar  tomonidan, 

ko’pincha,  tez  yordam  jamoasi,  kasalxonada  tez  yordam  yoki  boshqa  davolash 

muassasalarida amalga oshiriladi. 

-shoshilinch  yordam:  shoshilinch  psixiatrik  yordam  suitsidal  xulq-atvorli 

bemor  olib  kelingan  davolash  muassasasidagi  psixiatrlar  tomonidan  ko’rsatiladi; 

shoshilinch  psixoterapevtik  yordam  “ishonch  telefoni”  xizmati  tomonidan 

ko’rsatiladi. 

-ambulator-maslahat  yordamlari:  suitsidologlar  (psixiatr,  psixoterapevt, 

tibbiy  psixolog)  ambulator  davoni  umumiy  somatik  profilli  poliklinikalar 

qoshidagi  maxsus  ijtimoiy-psixologik  yordam  xonalarida  yoki  psixonevrologik 

dispanserlarning maxsus suitsidologik xonalarida olib boradilar.