Osiyoning geografik tuzilishi, tektonikasi, relyefi

Osiyoning geografik tuzilishi, tektonikasi, relyefi
KIRISH

1. 
   Osiyi qit’asining geologik tarixi.
   
   1. 
      Qit’a hududidagi tektonik harakat bosqichlari.
      
   2. 
      Qit’aning hizirgi holatga kelishidagi geoxronologik davrlar.
      
   3. 
      Relyefning o’ziga xos tomonlari.
      
2. 
   Osiyo hududining geomorfologik xususiyatlari. Relyef xususiyatlari.
   
   1. 
      Orografik tuzilishi hamda o’ziga xos tomonlari.
      

Xulosa.
Foydalanilgan adabiyotlar.
Ilovalar.
Osiyo qit’asi tarkib topishining murakkab tarixi tabiatning barcha komponentlarida aks etgan. Lekin u yer yuzasining tuzilishi xuxusiyatlarida ayniqsa yaqqol namoyon bo’ladi. Osiyoning yer yuzasi murakkabliligi, xilma-xilligi va Yer sharining boshqa hech yerida takrorlanmasligi bilan ajralib turadi. Osiyo uchun Yer sharida ma’lum bo’lgan tektonik strukturalarning barcha tipi va barcha xil relyef tipining tarqalganligi xarakterlidir.
Hozirgi Yevrosiyo o’rnida tabiat rivojlanishininh kembriygacha bo’lgan bosqichida 3 ta juda katta platforma oblasti bo’lgan. Bular-Yevropa, Sibir va Xitoy platformalaridir. Janubroqda, asosan, Shimoliy tropikdan janubda, bundan ham oldinroq juda katta Gondvana superplatformasi vujudga kelgan. Platformalar orasida geosinklinal mintaqalar bo’lgan. 3 ta shimoliy platformadan janubda Alp-Himalay geosinklinal mintaqasi cho’zilib ketgan. Bu geosinklinal hozirgi horijiy Yevropaning ko’p qismini egallagan va janubi-sharqqa tomon davom etib shimoliy platformalarni Gondvanadan ajratib turgan. Shimoldan unga Ural-Tyanshan, Mongoliya-Oxota va Kaledon geosinklinal oblastlari kelib tutashgan. Bu platformalar shimoliy platformalarni bir-biridan ajratib turgan.