O’simliklarni himoya qilish kafedrasi o’simliklarni biologik himoya qilish

Lepidobaktotsid, J. Preparat asosini 200 EA/mg titrli, biologik faol Bt subsp. kurstaki spora kristallari kompleksi tashkil qilgan. Preparat bargli va ignabargli daraxtlarning tangachaqanotli zararkunandalariga qarshi kurashda tavsiya etilgan.
Dipel, HK (BA-16000 EA/mg). Preparat Bt subsp. kurstaki spora kristalli kompleksi asosida “Abbot” (AQSH) firmasi tomonidan ishlab chiqilgan. Karamni tunlamlar va oqishlardan himoya qilishga mo’ljallangan.
Dipel, SK (BA-16000 EA/mg). Oldingi preparatdan suyuq shakli bilan farqlanadi. Preparat ignabargli O’simliklarning tangachaqanotli zararkunanda hasharotlariga qarshi kurash uchun mo’ljallangan.
Baktokulitsid (baktitsid) preparatining asosini Bt subsp. israelensis ning sporali kristall kompleksi tashkil qiladi. Ilk bor bu bakteriya 1976 yili Isroil olimlari L.Goldberg va I.Margalit tomonidan qon so’ruvchi chivin lichinkalaridan ajratilgan. Rossiyada dastlabki bu kenja tur asosida qishloq xo’jalik mikrobiologiyasi BITI va Kiev universiteti xodimlari tomonidan baktokulitsid preparati yaratilgan bo’lib, u oldin qon so’ruvchi va mayda pashshalarga qarshi kurashda tavsiya etilgan. Berd biopreparatlar zavodi bu preparatni “baktotsid” savdo markasi ostida ishlab chiqara boshladi. Preparat kukun holida ishlab chiqarilib, tarkibida 100 mlrd spor/g saqlaydi. Isroilda ishlab chiqarilgan Vectobac WDG (namlanuvchi granula), Vectobac G (granula), Vectobac 12 AS (emulsiya) shaklidagi biopreparatlar O’zbekistonda qon so’ruvchi chivinlar lichinkalariga qarshi qo’llanilib, yuqori samaraga erishilgan. Oxirgi yillari baktotsid preparatini sholi va shampinon chivinlariga hamda ituzumdoshlar g„ovaklovchilariga (Ushekov, 1994), malina novda gallitsasiga (Shternshis et al., 2002) qarshi kurashda foydalanish mumkinligi aniqlangan.
Detsimid. Bt subsp. tenebrionis spora kristallari asosidagi Rossiyaning dastlabki preparat analogi “Bioximmashproekt” BITI tomonidan kolorado qo’ng’iziga qarshi ishlab chiqildi.
Kolorado, SK. Titri kamida 20 mlrd spor/g. Bt subsp. tenebrionis №168116 shtammining spora va kristallari asosida yaratilgan. Shtamm hosil qiluvchi genetika DavITI tomonidan unda hayot kechiruvchi mayda va qora un mitalaridan ajratilgan. Endotoksin kristallarining shakli yassi, to’g’ri burchakli, β-ekzotoksin hosil qilmaydi. Kolorado preparati bir xil qora-kulrang tusli bo’lib, kartoshka va baqlajonda kolorado qo’ng’iziga qarshi kurash uchun tavsiya etilgan.
Kafolatlangan saqlash muddati –20^o dan +20^oS gacha haroratda 1 yil.