O'simlik hayotidagi sifat o'zgarishlar, rivojlanish. Qishloq xo'jaligi ekinlari rivojlanishini boshqarish

Fitotsenoz – (fito – o’simlik, tsenoz – jamoa) – o’simliklar maj­muasi. Tabiiy fitotsenoz – tabiatdagi ko’p turli o’simliklar majmuasi.

Agrotsenoz – inson tomonidan yaratilgan bir yoki ko’p turli mada­niy o’simliklar majmuasi.

Hosil – qishloq xo’jalik ekinlarini yetishtirish jarayonida olin­gan mahsulot.

Hosildorlik – ma’lum bir o’simlik turi, navi yoki duragayining hosildorlik darajasi. Bir xil sharoitda har xil navlarning, turlar­ning hosili har xil bo’ladi.

Hosildorlik imkoniyati – ekilgan navning talabiga mos sharoit yaratilgandagi olinadigan eng yuqori hosil. Bu ko’rsatkich navning yoki duragayning genotipiga bog’liq.

Hosil tarkibi – hosilning shakllanishiga ta’sir qiladigan tar­ki­biy qismlar (tup soni, tuplanish darajasi, mahsuldor tuplanish, bo­shoqchalar soni, boshoqdagi donlar soni, bir boshoqdagi don vazni, hosil indeksi), donning o’simlik vegetativ organlariga nisbati.