Oshxonada lozim bo’ladigan foydali maslahatlar

Oshxonada lozim bo’ladigan foydali maslahatlar
Ayollar vaqtining ko’p qismini oshxona o’tkazadi. Oshxonada mazali ovqatlar pishirish bilan bir qatorda ko’pgina yumushlarni ham bajarishga to’g’ri keladi.Quyida ushbu yumushlarni bajarishni osonlashtiradigan bir necha maslahatlarni keltiramiz.

1. 
   Billur (xrustal) idishlarni idishlarni spirtda ho’llangan latta bilan yaxshilab artib, so’ngra yumshoq –paxmoq mato bilan ishqalasangiz, yaltirab turadi;
   
2. 
   Pichoqning dami tez qaytmasini desangiz, uni qoshiq, vilkalardan bo’lak saqlang, qaynoq suvda yuvmang;
   
3. 
   Sutdan bo’shagan idishni avvalo sovuq suv bilan chayib, keyin issiq suvda yuvish lozim. Idishga birdaniga issiq suv quyilsa, sut yuqi yelimshak moddaga aylanib, idish devorchasiga yopishib qoladi;
   
4. 
   Piyoz to’g’ralgandan keyin pichoqqa quruq tuz ishqalansa piyoz hidi yo’qladi;
   
5. 
   Sarimsoq tozalash va to’g’rashdan so’ng qo’lga mo’l qilib tuz ishqalab, so’ngra iliq suvda yuvsangiz, qo’ldan sarimsoq hidi kelmaydi;
   
6. 
   Qoramtir bo’lib qolgan chinni idishni choy sodasi bilan ishqasangiz yana oppoq bo’ladi.
   
7. 
   Shisha stakan, vaza, rumka va shu kabilarni yuvganda, suvga 1-2 qoshiq sirka va 1 qoshiq tuz solinsa, bu idishlar billur kabi yaltiraydigan bo’ladi;
   
8. 
   Pichoqlar issiq joyda tursa, dami qazib ketib, po’latning mustahkamligi, elastikligi kamayadi, pichoq o’tmaslanadi, uni juda issiq suvda yuvish yaramaydi;
   
9. 
   Oshxonadagi havo nam bo’lganida tuz oziga nam tortmasligi uchun unga 8-10% kartoshka uni qo’shing, bunday tuz doimo quruq bo’ladi, bu miqdordagi kartoshka uni esa uning mazasini ham, rangini ham o’zgartirmaydi;
   
10. 
    Non qopqog’i jips bekiladigan chinni yoki sirlangan idishda saqlansa, ancha vaqtgacha yumshoq turadi va suvi qochmaydi;
    
11. 
    Agar issiq gaz plitasiga sut to’kilib ketsa, darhol tuz seping va qog’oz bilan yopib qo’ying – shunda sutning kuygan hidi uy bo’ylab tarqalmaydi;
    
12. 
    Shishsa idishlarni tozalash vositalarsiz ham yarqiragan ko’rinishga keltrirish mumkin. Buning uchun iliq suvga ozgina sirka va yirik tuz solib tozalaymiz. Idishlaringiz yaltirab toza bo’lib qoladi;
    
13. 
    Agar sirli idishlarga taom ko’yib qorayib qolsa, bir oz sovuq suv va tuz solib qo’ying. Bir necha soatdan so’ng osongina tozalab olishingiz mumkin. Yana bir usul: idishga bir qoshiq soda qo’shilgan qaynoq suv solib bir necha soatga qoying, so’ngra qaynating – ovqat kuyganlar qoldiqlaridan tozalaydi;
    
14. 
    Skovorodkalarni oson tozalash mumkin. Buning uchun skovorodkani qizdirib unga bir oz tuz solamiz, so’ngra pergamentli yoki oddiy qog’oz bilan tozalaymiz;
    
15. 
    Unga hasharotlarni bo’lishini istamasangiz, un solingan xalta atrofiga bir necha bo’lak po’sti ajratilmagan sarimsoq bo’laklarini quying;
    
16. 
    Go’sht qiymalagichni oson tozalash uchun ish oxirida bir oz pishmagan kartoshka o’tkazib yuborish mumkin;
    
17. 
    Go’sht qiymalagichni issiq joyda quritsangiz pichog’i o’tmaslashib qoladi.
    
18. 
    Folgalarni muzlatgichda saqlasangiz u uzoq vaqt ishlashga yaroqli bo’ladi. Yopishqoq bo’lib qolmaydi;
    
19. 
    To’g’rash taxtalaridan piyoz hidini ketkazish uchun unga bir oz quruq tuz sepiladi;
    
20. 
    Idishdagi tuzga ozgina gurunch aralashtirib qo’yilsa, tuz o’ziga nam tortmaydi;
    
21. 
    Sirli idishlarni qaynoq suvga ko‘p solib bo‘lmaydi. Shuningdek, qizib turgan sirli idishga sovuq suv yoki yog‘ quyib ham bo‘lmaydi. Siri o‘chib ketadi;
    
22. 
    Alyuminiydan yasalgan idish-tovoqlarni simqirg‘ich bilan ishqab yuvmang, chunki simqirg‘ich idishni tirnab, tez kirlanadigan qilib qo‘yadi.