Os-tex colour

«AS-TEM LEGAL MANAGEMENT» ҲУҚУҚИЙ
КОНСАЛТИНГ ХИЗМАТИ ХУЛОСАСИ
№AS-04/02 2021 й.

«AS-TEM LEGAL MANAGEMENT» компанияси ҳамда “OS-TEX COLOUR” масъулияти чекланган жамияти ўртасида тузилган корхонага ихтиёрий ҳуқуқий консалтинг хизмати кўрсатиш ҳақидаги шартномага мувофиқ, корхонанинг ҳуқуқий холатини таҳлил этиб, унинг фаолият туридан келиб чиқиб, корхонанинг кадрлари билан боғлик хужжатлари ўрганилиб, унинг натижаларини таҳлил этилди ва қуйидаги хулоса тақдим этилади:

Корхона ва ходимлар ўртасида меҳнат шартномалари тузилмаган, Ўзбекистон Республикасининг Меҳнат кодекси 80-моддасида назарда тутилган ишчилар ишга киришда тақдим этилиши керак бўлган хужжатлар тақдим этилмаган.
Булар:

1. 
   паспорт ёки унинг ўрнини босадиган бошқа ҳужжатни, ўн олти ёшгача бўлган шахслар эса, — туғилганлик тўғрисидаги гувоҳномани;
   
2. 
   меҳнат дафтарчасини, биринчи маротаба ишга кираётган шахслар бундан мустасно. Ўриндошлик асосида ишга кираётган шахслар меҳнат дафтарчаси ўрнига асосий иш жойидан олган маълумотномани;
   
3. 
   ҳарбий хизматга мажбурлар ёки чақирилувчилар тегишинча ҳарбий билетни ёки ҳарбий ҳисобда турганлик ҳақидаги гувоҳномани;
   
4. 
   қонун ҳужжатларига мувофиқ махсус маълумотга ёки махсус тайёргарликка эга шахсларгина бажариши мумкин бўлган ишларга кираётганда олий ёки ўрта махсус, касб-ҳунар ўқув юртини тамомлаганлиги тўғрисидаги дипломни ёхуд мазкур ишни бажариш ҳуқуқини берадиган гувоҳномани ёки бошқа тегишли ҳужжатни тақдим этади.
   

Корхона ходимларининг мехнат йўриқномалари ишлаб чиқилган, лекин имзоланмаган бу эса ушбу хужжатни йўқ эканлигини тасдиқлайди.
Бундан ташкари, Ўзбекистон Республикаси Меҳнат Қонучилигига биноан, ҳар бир корҳонада жамоа шартномалари тузилган бўлиши ёки корхонада вакиллик органлари аъзоси бщлишлари шарт. Корхонада мазкур ҳужжатлар мавжуд, бироқ тегишли тартибда ўзгартиши ва қўшимчалар киритилмаган. Бу Меҳнат кодекси 2 параграфи 35-46 моддаларининг бузилиши ҳисобланади.